എന്‍.എച്ച്. സമരസമിതി മന്ത്രി കെ.ടി ജലീലിന്റെ വീട്ടിലേക്ക് മാര്‍ച്ച് നടത്തി
വളാഞ്ചേരി: ദേശീയപാത സമരസമിതി പ്രവര്‍ത്തകര്‍ മന്ത്രി കെ.ടി. ജലീലിന്റെ വളാഞ്ചേരിയിലുള്ള വീട്ടിലേക്ക് മാര്‍ച്ച് നടത്തി. ചുങ്കപ്പാത നിര്‍മിക്കുന്നതിനായി സ്ഥലം അളന്നെടുക്കുന്നത് അവസാനിപ്പിക്കണമെന്നാവശ്യപ്പെട്ടായിരുന്നു പ്രതിഷേധമാര്‍ച്ച്.
രാവിലെ പത്തരയോടെ കാവുംപുറത്തുനിന്ന് തുടങ്ങിയ മാര്‍ച്ച് മന്ത്രിയുടെ വീടിന്റെ നൂറ്മീറ്റര്‍ അകലെവെച്ച് പോലീസ് തടഞ്ഞു. കുറ്റിപ്പുറം എസ്.ഐ. നിപുണ്‍ ശങ്കറിന്റെ നേതൃത്വത്തിലുള്ള പോലീസ് സംഘം മന്ത്രിയുടെ വീട്ടിലും വീട്ടിലേക്കുള്ള വഴിയിലും നിലയുറപ്പിച്ചിരുന്നു. പോലീസിനോട് ഏറ്റുമുട്ടാനില്ലെന്നും അധികാരസ്ഥാനത്തിരിക്കുന്നവര്‍ പ്രതികരിക്കുന്നില്ലെന്ന ആക്ഷേപം ബോധിപ്പിക്കാനാണ് മാര്‍ച്ചെന്നും സമരസമിതി കണ്‍വീനര്‍ അബുലൈസ് തേഞ്ഞിപ്പലം പറഞ്ഞു.
പതിനൊന്നരയോടെ പ്രതിഷേധക്കാര്‍ സമരം അവസാനിപ്പിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
