കേന്ദ്രസർക്കാർ പലിശരഹിതവായ്പയും ദുരിതാശ്വാസവും പ്രഖ്യാപിക്കണമെന്നാവശ്യപ്പെട്ട് എൻ.സി.പി വളാഞ്ചേരി എസ്.ബി.ഐയ്ക്കു മുന്നിൽ ധർണ നടത്തി

വളാഞ്ചേരി : ലോക്ഡൗണിനെത്തുടർന്ന് പ്രതിസന്ധിയിലായ ചെറുകിട വ്യാപാരികൾ, കർഷകർ, വ്യവസായികൾ എന്നിവർക്ക് കേന്ദ്രസർക്കാർ പലിശരഹിതവായ്പയും ദുരിതാശ്വാസവും പ്രഖ്യാപിക്കണമെന്നാവശ്യപ്പെട്ട് എൻ.സി.പി. കോട്ടയ്ക്കൽ ബ്ലോക്ക് കമ്മിറ്റി വളാഞ്ചേരി എസ്.ബി.ഐയ്ക്കു മുന്നിൽ ധർണ സംഘടിപ്പിച്ചു.

സംസ്ഥാന സെക്രട്ടറി ഡോ. സി.പി.കെ. ഗുരുക്കൾ ഉദ്ഘാടനംചെയ്തു. ബ്ലോക്ക് പ്രസിഡന്റ് എം.സി. മുത്തുണ്ണി, മാനു, ഷമീർ കൊട്ടാരം, കുഞ്ഞാൻ വലിയകുന്ന്, മുഹമ്മദ്കുട്ടി ഇരിമ്പിളിയം, കുഞ്ഞിപ്പ കായൽമഠത്തിൽ, ബാവ എന്നിവർ പങ്കെടുത്തു.