വിവിധ ആവശ്യങ്ങളുന്നയിച്ച് എൻ.സി.പി വളാഞ്ചേരി മണ്ഡലം കമ്മിറ്റി പ്രതിഷേധസംഗമം നടത്തി

വളാഞ്ചേരി : കോവിഡ് മഹാമാരിയുടെ പശ്ചാത്തലത്തിൽ വായ്പാ തിരിച്ചടവിന് പ്രഖ്യാപിച്ചിരുന്ന മൊറട്ടോറിയം രണ്ട് വർഷംവരെ ദീർഘിപ്പിക്കുക, മൊറട്ടോറിയം കാലത്തെ പിഴപ്പലിശ ഉൾപ്പെടെ ഒഴിവാക്കുക തുടങ്ങി വിവിധാവശ്യങ്ങൾ ഉന്നയിച്ച് എൻ.സി.പി. പ്രതിഷേധ സംഗമം സംഘടിപ്പിച്ചു.

വളാഞ്ചേരി മണ്ഡലം കമ്മിറ്റി കൊട്ടാരം സെന്ററിൽ സംഘടിപ്പിച്ച പരിപാടി ജില്ലാ കമ്മിറ്റി അംഗം ആബിദ് തങ്ങൾ കൊട്ടാരം ഉദ്ഘാടനംചെയ്തു. ബ്ലോക്ക് വൈസ് പ്രസിഡന്റ് ബാവ വളാഞ്ചേരി അധ്യക്ഷനായി. കോട്ടയ്ക്കൽ ബ്ലോക്ക് സെക്രട്ടറി സമീർ കൊട്ടാരം, ജാഫർ, മുത്തുണ്ണി, സൈനുദ്ദീൻ കോട്ടപ്പുറം, കുഞ്ഞാൻ വലിയകുന്ന്, കുഞ്ഞിപ്പ എന്നിവർ സംസാരിച്ചു.