എൻ.സി.സി യൂണിറ്റുകളുടെ നേതൃത്വത്തിൽ പൊതുജനാരോഗ്യ കേന്ദ്രങ്ങളിലേക്ക് കോവിഡ് പ്രതിരോധ സാമഗ്രികൾ വിതരണം ചെയ്തു

വളാഞ്ചേരി : കോഴിക്കോട് എൻ.സി.സി. ഗ്രൂപ്പും 29 കേരള ബറ്റാലിയനും വളാഞ്ചേരി എം.ഇ.എസ്.കെ.വി.എം. കോളേജ് എൻ.സി.സി. യൂണിറ്റും ചേർന്ന് കോവിഡ് പ്രതിരോധ സാമഗ്രികൾ വിതരണംചെയ്തു.

പൊതുജനാരോഗ്യ കേന്ദ്രങ്ങളായ പി.എച്ച്.സി. കൊട്ടാരം ഉപകേന്ദ്രം, ആയുഷ് ഹോമിയോപ്പതി കൊട്ടാരം ഉപകേന്ദ്രം എന്നിവിടങ്ങളിലേക്കാണ് സാമഗ്രികൾ നൽകിയത്. കോളേജ് പ്രിൻസിപ്പൽ ഡോ. സി. രാജേഷ് ഉദ്ഘാടനംചെയ്തു. ആരോഗ്യകേന്ദ്രം മേധാവികളായ ഡോ. സൽവ, ഡോ. ഹാരിഷ, എൻ.സി.സി. കെയർ ടേക്കർ പ്രൊഫ. കെ.വി. നാജിയ, ഡോ. ടി.വൈ. നാജ്‌ല, ഡോ. സന്തോഷ്ബാബു, അണ്ടർ ഓഫീസർ അബ്ദുൾ ഖാദർ, എൻ.സി.സി. കേഡറ്റ് മീനാക്ഷി എന്നിവർ പങ്കെടുത്തു.