കൊറോണ മുൻകരുതൽ; കാടാമ്പുഴയിൽ മുട്ടറുക്കലും പ്രസാദ ഊട്ടും അനിശ്ചിതകാലത്തേക്ക് നിറുത്തിവച്ചു

മാറാക്കര: കൊറോണ വൈറസിനെതിരെയുള്ള മുൻകരുതലിന്റെ ഭാഗമായി കാടാമ്പുഴയിൽ മുട്ടറുക്കലും പ്രസാദ ഊട്ടും അനിശ്ചിതകാലത്തേക്ക് നിറുത്തിവച്ചു. കാടാമ്പുഴ ക്ഷേത്രത്തിൽ ആചാരാനുഷ്ഠാനങ്ങളുടെ ഭാഗമായുള്ള കർമ്മങ്ങൾ, പൂമൂടൽ, ദിവസപൂജ, നിറമാല എന്നീ വഴിപാടുകൾ ഒഴികെ മുട്ടറുക്കൽ, ചോറൂണും തുടങ്ങിയ വഴിപാടുകൾ 12/03/2020 മുതൽ ഇനിയൊരറിയിപ്പുണ്ടാവുന്നത് വരെ ഉണ്ടായിരിക്കുന്നതല്ലെന്ന് എക്സിക്യൂട്ടീവ് ഓഫീസർ അറിയിച്ചു. കൊറോണ വൈറസിന്റെ വ്യാപനം തടയുന്നതിനുള്ള നടപടികളുടെ ഭാഗമായി ആരാധനാലയങ്ങളിലുൾപ്പടെ ജനങ്ങൾ ഒന്നിച്ച് കൂടുന്നതിനുള്ള സാധ്യതകൾ പരമാവധി കുറക്കണമെന്ന സർക്കാരിന്റെയും മലബാർ ദേവസ്വം ബോർഡിന്റെയും നിർദേശം ലഭിച്ചിട്ടുള്ള സാഹചര്യത്തിലാണ് ഈ തീരുമാനം.