കടയിലെ ഒരു ദിവസത്തെ വരുമാനം ദുരിതാശ്വാസ നിധിയിലേക്ക് നൽകി വളാഞ്ചേരി മൊബൈൽ ഫോൺ കടയുടമ

വളാഞ്ചേരി: തന്റെ മൊബൈൽ കടയിലെ ഒരു ദിവസത്തെ മുഴുവൻ ലാഭവും മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവനയായി നൽകി വളാഞ്ചേരിയിലെ വ്യാപാരി. വളാഞ്ചേരി കോഴിക്കോട് റോഡിൽ പ്രവർത്തിക്കുന്ന ഗ്ലോബസ് എന്ന മൊബൈൽ കടയുടെ ഉടമ ഷിഹാബുദ്ദീനാണ് മാതൃകാപരമായ പ്രവർത്തി ചെയ്തത്. കോവിഡ് 19 പ്രതിരോധത്തിന്റെ ഭാഗമായുള്ള ലോക്ക്ഡൗൺ മൂലം ഒരു മാസത്തിലേറെയായി വരുമാനമില്ലാതിരുന്നിട്ടും കട തുറന്നു പ്രവർത്തിച്ച കഴിഞ്ഞ ഞായറാഴ്ചയിലെ മുഴുവൻ ലാഭവും ദുരിതാശ്വാസ നിധിലേക്ക് സംഭാവന ചെയ്യുകയായിരുന്നു ശിഹാബ്. സി.ഐ.ടി.യു ജില്ലാ സെക്രട്ടറി വി.പി സക്കറിയ ശിഹാബുദ്ധീന്റെ സംഭാവന ഏറ്റുവാങ്ങി.
Summary: mobile shop owner in valanchery donated a days income to cmdrf