വട്ടപ്പാറ ഫയർസ്റ്റേഷൻ ഉടൻ നിർമിക്കുമെന്ന് എംഎൽഎ
വളാഞ്ചേരി: വട്ടപ്പാറയിൽ പരിഗണനയിലുള്ള വളാഞ്ചേരി ഫയർസ്റ്റേഷൻ ഉടൻ യാഥാർഥ്യമാക്കുമെന്ന് കെ.കെ.ആബിദ്ഹുസൈൻ തങ്ങൾ എംഎൽഎ. കഞ്ഞിപ്പുരയിൽ ഫയർസ്റ്റേഷൻ നിർമാണത്തിനായി അനുവദിച്ചു നൽകിയ നിർദിഷ്ട സ്ഥലം സന്ദർശിക്കുകയായിരുന്നു അദ്ദേഹം. പരിഗണനയിലുള്ള ഫയർസ്റ്റേഷൻ വളപ്പിൽ പൊലീസ് അധീനതയിലുള്ള തൊണ്ടിവാഹനങ്ങൾ മാറ്റുന്നതിനുള്ള നടപടിക്രമങ്ങളും ഉടൻ തുടങ്ങും.
കാട്ടിപ്പരുത്തി വില്ലേജിലെ റവന്യു പുറമ്പോക്കു ഭൂമിയിലുള്ള 42 സെന്റ് സ്ഥലമാണ് അഗ്നിരക്ഷാവകുപ്പിനു ഫയർസ്റ്റേഷൻ നിർമാണത്തിനായി കൈമാറിയിരുന്നത്. സന്ദർശനം നടത്താനെത്തിയ എംഎൽഎയോടൊപ്പം വളാഞ്ചേരി നഗരസഭാധ്യക്ഷ എം.ഷാഹിന, ഉപാധ്യക്ഷൻ കെ.വി.ഉണ്ണിക്കൃഷ്ണൻ, കൗൺസിലർമാരായ ഷഫീന ചെങ്കുണ്ടൻ, സി.ബാവ, മൂർക്കത്ത് മുസ്തഫ, ഷംസുദ്ദീൻ നടക്കാവിൽ, സ്പെഷൽ വില്ലേജ് ഓഫിസർ ജയശങ്കർ, സലാം വളാഞ്ചേരി, പറശ്ശേരി അസൈനാർ എന്നിവരുമുണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
