കാലവർഷക്കെടുതി; കുറ്റിപ്പുറം പഞ്ചായത്തിൽ ദുരന്തനിവാരണസമിതി യോഗം ചേർന്നു

കുറ്റിപ്പുറം : കാലവർഷക്കെടുതികൾ നേരിടുന്നതിനും പരിഹാരം കാണുന്നതിനുമായി ഗ്രാമപ്പഞ്ചായത്ത് ഓഫീസിൽ ദുരന്തനിവാരണസമിതി യോഗം ചേർന്നു. അപകടാവസ്ഥയിലുള്ള മരങ്ങൾ മുറിച്ചുമാറ്റുക, മണ്ണിടിച്ചിൽ സാധ്യതയുള്ള സ്ഥലങ്ങളിൽ താമസിക്കുന്നവരെ മാറ്റിത്താമസിപ്പിക്കുക, വെള്ളക്കെട്ടുകളിൽ വീണ് അപകടം ഉണ്ടാകാതിരിക്കാനുള്ള ജാഗ്രതാ നിർദേശങ്ങൾ നൽകുക, അടിയന്തരഘട്ടങ്ങളിൽ ഇടപെടാൻ വാർഡുകളിലെ സന്നദ്ധപ്രവർത്തകരെ സജ്ജരാക്കുക തുടങ്ങിയ തീരുമാനങ്ങളാണ് യോഗത്തിൽ ഉണ്ടായത്.

വൈസ് പ്രസിഡന്റ് കെ.ടി. സിദ്ധീഖ് അധ്യക്ഷനായി. വില്ലേജ് ഓഫീസർമാരായ ഉണ്ണികൃഷ്ണൻ, ദേവി, ഹെൽത്ത് ഇൻസ്‌പെക്ടർ മൊയ്‌തീൻകുട്ടി, പഞ്ചായത്ത്‌ സെക്രട്ടറി സുരേഷ്, എസ്.ഐ. വിനോദ്, അംഗങ്ങളായ സയ്യിദ് അലി സക്കാഫ് തങ്ങൾ, അബൂബക്കർ, സരിത തുടങ്ങിയവർ സംസാരിച്ചു.