തൃക്കണാപുരം ഉന്നം കലാസമിതിയുടെ കൃഷിത്തോട്ടം സന്ദർശിക്കാൻ മാവേലി എത്തി

കുറ്റിപ്പുറം : തൃക്കണാപുരം ഉന്നം കലാസമിതിയുടെ കൃഷി ത്തോട്ടം സന്ദർശിക്കാനും കലാ പ്രവർത്തകരെ അനുമോദിക്കാനും മാവേലിയെത്തി. കൊറോണ വേളയിൽ വേദികൾ മുടങ്ങിയതോടെയാണ്കലാകാരന്മാർ കൃഷി ലക്ഷ്യമാക്കി അന്നമാണ് ഉന്നം എന്ന മുദ്രാവാക്യവുമായി മണ്ണിലിറങ്ങിയത്. മാവേലി തമ്പുരാന്റെ വേഷമണിഞ്ഞെത്തിയത് ഉന്നം കലാ സമിതിയുടെ സജീവ പ്രവർത്തകനുമായ ഇടവേള റാഫി തന്നെയായിരുന്നു.
സാലു കൂറ്റനാട്, ലത്തീഫ് കുറ്റിപ്പുറം, രവീന്ദ്രൻ കലാഭവൻ, മഹേഷ്‌ കുറ്റിപ്പുറം, ബാല താരങ്ങളായ തമന്ന, തമീമ, സിനാൻ ഷാ തുടങ്ങിയവർ മാവേലി തമ്പുരാന് ഊഷ്മളമായവരവേൽപ്പ് നൽകിയത്.കൃഷിയുടെ പ്രധാന വിളവെടുപ്പിനും ഏല്ലാവിധ ആശംസകളും നേരാനും മാവേലി മറന്നില്ല.