ബില്ല് അടച്ചില്ല; മാറാക്കര ശുദ്ധജല പദ്ധതിയുടെ വൈദ്യുതിബന്ധം വിച്ഛേദിച്ചു

മാറാക്കര: ബിൽ അടയ്ക്കാത്തതിനാൽ മാറാക്കര കരേക്കാട് അവറാൻകുന്ന് ശുദ്ധജല പദ്ധതിയുടെ വൈദ്യുതിബന്ധം വിച്ഛേദിച്ചു. 45,000 രൂപയിൽ കൂടുതൽ കാടാമ്പുഴ വൈദ്യുതി ഓഫിസിൽ അടയ്ക്കാനുണ്ട്. പഞ്ചായത്ത് സെക്രട്ടറിയുടെ പേരിലാണ് കണക്‌ഷൻ. പ്രദേശത്തെ 50 കുടുംബങ്ങൾക്ക് ഉപകാരമായ പദ്ധതിയാണിത്. വൈദ്യുതി ബന്ധം പുനഃസ്ഥാപിക്കാൻ നടപടി വേണമെന്നാണ് നാട്ടുകാരുടെ ആവശ്യം.