HomeNewsAgricultureതണ്ണിമത്തൻ കൃഷിയിൽ നൂറുമേനി വിളയിച്ച് മഹല്ല് കമ്മറ്റി

തണ്ണിമത്തൻ കൃഷിയിൽ നൂറുമേനി വിളയിച്ച് മഹല്ല് കമ്മറ്റി

water-melon-kottakkal

തണ്ണിമത്തൻ കൃഷിയിൽ നൂറുമേനി വിളയിച്ച് മഹല്ല് കമ്മറ്റി

കോട്ടക്കൽ:മഹല്ല് കമ്മറ്റിയ്ക്ക് കൃഷിയും വഴങ്ങുമെന്ന് തെളിയിച്ചിരിക്കുകയാണ് വേങ്ങര പറമ്പിൽപടി ജുമാമസ്ജിദ് പള്ളിക്കമ്മറ്റി.ഒന്നേകാൽ ഏക്കർ പാടത്താണ് പള്ളിക്കമ്മറ്റി അംഗങ്ങൾ തണ്ണിമത്തൻ വിളയിച്ചെടുത്തത്.
water-melon-kottakkal
പള്ളിക്കമ്മറ്റിയുടെ സാമ്പത്തിക പരാധീനതകൾ പരിഹരിക്കുന്നതിന്റെ ചർച്ചക്കിടെ തയ്യിൽ ഉമ്മർ എന്ന യുവ കർഷകനാണ് തണ്ണി മത്തൻ കൃഷിയെന്ന ആശയം മുന്നോട്ട് വച്ചത്. ഇത് ഒപ്പമുള്ളവരും ഏറ്റെടുത്തതോടെയാണ് കൃഷിക്ക് തുടക്കമായത്.
water-melon-kottakkal
കൃഷിപ്പണികൾ ഹരമായി ഏറ്റെടുത്ത കമ്മറ്റിയിലെ യുവാക്കൾ തന്നെയാണ് നനയ്ക്കാനും കളപറിക്കാനും രംഗത്തിറങ്ങിയത്.ഞായറാഴ്ച വിളവെടുത്ത ഗുണമേന്മയുള്ള തണ്ണി മത്തനുകൾ പാതയോരത്ത് വിൽപ്പനയ്ക്കെത്തിച്ചു. പറമ്പിൽ പടിയിൽ ഹാഷിം തങ്ങൾ ആദ്യവിൽപ്പന നടത്തി.
water-melon-kottakkal
വിളവെടുപ്പ് വിവരം സമൂഹ മാധ്യമങ്ങളിലൂടെ പങ്കുവച്ചതോടെ നിരവധി പേരാണ് പാടത്തേക്ക് വന്നെതിയത്.സക്കീർ കുറുവാകുന്നൻ, സി.ടി ലത്തീഫ് ,മുഹമ്മദ് ഗസ്സാൻ, പി.ഖുത്ബ്, എം.ഉബൈദ് ,അബ്ദുറഹിമാൻ തുടങ്ങിയവർ നേതൃത്വം നൽകി.

No Comments

Leave A Comment