വളാഞ്ചേരി കോട്ടപ്പുറത്ത് ലോറിയിൽ നിന്ന് ഗ്ലാസ് ഇറക്കുന്നതിനിടെയുണ്ടായ അപകടത്തിൽ ചുമട്ടു തൊഴിലാളിക്ക് ദാരുണാന്ത്യം
വളാഞ്ചേരി: വളാഞ്ചേരി കോട്ടപ്പുറത്ത് ലോറിയിൽ നിന്ന് ഗ്ലാസ് ഇറക്കുന്നതിനിടെയുണ്ടായ അപകടത്തിൽ ചുമട്ടു തൊഴിലാളി മരണമടഞ്ഞു. ലോറിയിൽ നിന്ന് കച്ചവട സ്ഥാപനത്തിലേക്ക് ഇറക്കുന്നതിനിടെ ഗ്ലാസ് ശരീത്തിൽ പതിച്ച് ചുമട്ട് തൊഴിലാളി മരിച്ചു. ഇന്നുച്ചക്ക് 12 മണിയോടെയാണ് സംഭവമുണ്ടായത്. കൊട്ടാരത്ത് താമസമാക്കിയ പരവക്കൽ സിദ്ധീഖ് ആണ് മരണമടഞ്ഞത്. ലോറിയിൽ നിന്ന് ഇറക്കുന്നതിനിടെ കൂറ്റൻ ഗ്ലാസ് ഇദ്ദേഹത്തിന്റെ ശരീരത്തിൽ പതിക്കുകയായിരുന്നു.
ലോറിക്കും ഗ്ലാസിനും ഇടയിൽ ശരീരം കുടുങ്ങിയ അവസ്ഥയിലായ സിദ്ധീഖിനെ നാട്ടുകാരും സമീപ സ്ഥാപനങ്ങളിലെ ജീവനക്കാരും ചേർന്ന് ഏറെ പണിപ്പെട്ടാണ് പുറത്തെടുത്തത്. ഉടൻ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും പരിക്ക് ഗുരുതരമായതിനാൽ പെരിന്തൽമണ്ണയിലെ ആശുപത്രിയിലേക്ക് മാറ്റി. ഇവിടെ വച്ചാണ് ഇദ്ദേഹം മരണത്തിനു കീഴടങ്ങിയത്. അശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങള്‍ പൂര്‍ത്തിയാക്കിയശേഷം ബന്ധുക്കൾക്ക് വിട്ടുനൽകും
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
