വിദ്യാഭ്യാസ സ്ഥാപനങ്ങൾ തുറക്കുന്നത് സംബന്ധിച്ച് കുറ്റിപ്പുറം പോലീസിൻ്റെ നേതൃത്വത്തിൽ യോഗം വിളിച്ച് ചേർത്തു

കുറ്റിപ്പുറം:കുറ്റിപ്പുറം പോലീസ് സ്റ്റേഷൻ പരിധിയിൽ വരുന്ന വിദ്യാഭ്യാസ സ്ഥാപന തലവൻമാരുടെയും, പിടിഎ ഭാരവാഹികളുടെ യോഗം കുറ്റിപ്പുറം സ്റ്റേഷനിൽ വച്ച് നടന്നു. കോവിഡ മാനദണ്ഡങ്ങളിൽ വരുത്തിയ ഇളവിനെ തുടർന്ന് വിദ്യാഭ്യാസ സ്ഥാപനങ്ങൾ തുറക്കുമ്പോൾ സ്വീകരിക്കേണ്ട നടപടികളെക്കുറിച്ചും സംസ്ഥാന ഗവൺമെന്റ് പദ്ധതിയുടെ ചിരി പ്രോജക്റ്റിനെ കുറിച്ച് വിശദീകരിച്ചു.

കോളേജുകളിലും, ഹയർ സെക്കൻഡറി, ഹൈസ്കൂൾ എന്നീ സ്ഥാപനങ്ങളിലെ യൂണിറ്റ് ഹെഡ്മാർ യോഗത്തിൽ സംബന്ധിച്ചു. കുറ്റിപ്പുറം സി.ഐ ശശീന്ദ്രൻ മേലയിൽ, എസ്.ഐ വാസുണ്ണി, എസ്.ഐ നിഖിൽ, എച്.ഐ മൊയ്തീൻകുട്ടി, ജെ,എച്.ഐ കുഞ്ഞിമുഹമ്മദ് എന്നിവർ വിവിധ വിഷയങ്ങളെ കുറിച്ച് സംസാരിച്ചു. എല്ലാ വിദ്യാഭ്യാസ സ്ഥാപനങ്ങളിലെ പ്രതിനിധികളും ചർച്ചയിൽ പങ്കെടുത്തു. എസ്.സി.പി.ഒ മധുസൂദനൻ നന്ദി പറഞ്ഞു.