രാഹുൽ ഗാന്ധിക്കെതിരായ പോലീസ് നടപടിയിൽ പ്രതിഷേധിച്ച് കെ.എസ്.യു പ്രവർത്തകർ വളാഞ്ചേരിയിൽ ദേശീയപാത ഉപരോധിച്ചു

വളാഞ്ചേരി: യുപിയിലെ പെൺകുട്ടിക്ക് നീതി ലഭിക്കണമെന്ന് ആവിശ്യപ്പെട്ട് ഹസ്രത്തിലേക്ക് പുറപ്പെട്ട രാഹുൽ ഗാന്ധിയെ പോലീസ് അതിക്രമിച്ചതിൽ പ്രതിഷേധിച്ച് കെ.എസ്.യു മലപ്പുറം ജില്ലാ കമ്മിറ്റി വളഞ്ചേരി ദേശീയപാത ഉപരോധിച്ചു. കെ എസ് യു ജില്ലാ പ്രസിഡണ്ട് ഹാരിസ് മുതൂർ ഭാരവാഹികളായ കണ്ണൻ നമ്പ്യാർ, ആദിൽ കെകെബി , യൂത്ത് കോൺഗ്രസ്സ് പ്രസിഡണ്ട് ഷബാബ് വക്കരുത് എന്നിവരടങ്ങൂന്ന പ്രവർത്തകരെ അറസ്റ്റ് ചെയ്യുകയും മറ്റു പ്രവർത്തകരെ ലാത്തി ചാർജ് ചെയ്യുകയും ചെയ്തു. കെ.എസ്.യു ജില്ലാ സെക്രട്ടറി ഹക്കീം പെരുമുക്ക്, റംഷീദ് എന്നിവർക്ക് പരിക്കേറ്റ് ആശുപത്രിയിലാണ്. വിനു പുല്ലാനൂർ, അസ്ഹറുദ്ധീൻ വളാഞ്ചേരി, യാസിൻ, ഷബീഹ്, ഷാമിൽ എന്നിവർ സംബന്ധിച്ചു.