‘കാപ്പ’ വിലക്ക് ലംഘിച്ച് ജില്ലയിൽ പ്രവേശിച്ചു; കുറ്റിപ്പുറം സ്വദേശി അറസ്റ്റിൽ

കുറ്റിപ്പുറം : കാപ്പ നിയമപ്രകാരം ഒരു വർഷത്തേക്ക് ജില്ലയിൽ പ്രവേശനവിലക്ക് ഏർപ്പെടുത്തിയിരുന്ന പ്രതി വിലക്ക് മറികടന്ന് പ്രവേശിച്ചതിന് അറസ്റ്റിൽ. കുറ്റിപ്പുറം പേരശ്ശന്നൂർ സ്വദേശി കട്ടച്ചിറ വീട്ടിൽ അഷ്‌റഫ്‌ അലി(38) യാണ് വെള്ളിയാഴ്ച രാവിലെ 10.30-ന് അറസ്റ്റിലായത്.

കുറ്റിപ്പുറം എസ്.ഐ. ഷാഹുലിന്റെ നേതൃത്വത്തിലുള്ള പോലീസ് സംഘവും തിരൂർ ഡാൻസാഫും ചേർന്നാണ് ഇയാളെ പിടികൂടിയത്. തിരൂർ കോടതിയിൽ ഹാജരാക്കി റിമാൻഡ് ചെയ്തു.