വിദ്യാഭ്യാസരംഗത്ത് അരാജകത്വം സൃഷ്ടിക്കുന്നത് ആശങ്കാജനകം- കെ.എ.ടി.എഫ് ജില്ലാ സമ്മേളനം

വളാഞ്ചേരി : വിദ്യാഭ്യാസരംഗത്ത് അരാജകത്വം സൃഷ്ടിക്കുന്നത് ആശങ്കാജനകമാണെന്ന് കേരള അറബിക് ടീച്ചേഴ്‌സ് ഫെഡറേഷൻ (കെ.എ.ടി.എഫ്.) ജില്ലാ സമ്മേളനം അഭിപ്രായപ്പെട്ടു. പാഠ്യപദ്ധതി ചട്ടക്കൂടിൽ ഉൾപ്പെടെ സാമൂഹിക അരാജകത്വ നിർദേശങ്ങളാണ് നടപ്പിൽവരുത്തിക്കൊണ്ടിരിക്കുന്നത്. ഇതിനെതിരേയുള്ള വിമർശനങ്ങൾക്ക് മതപരിവേഷം നൽകുന്ന സമീപനമാണ് നടക്കുന്നതെന്നും അത് അവസാനിപ്പിക്കണമെന്നും സമ്മേളനം ആവശ്യപ്പെട്ടു.

വളാഞ്ചേരി നധാസ് ഓഡിറ്റോറിയത്തിൽ ആബിദ് ഹുസൈൻ തങ്ങൾ എം.എൽ.എ. ഉദ്ഘാടനം ചെയ്തു. ജില്ലാ പ്രസിഡന്റ് സി.പി. മുഹമ്മദ്കുട്ടി അധ്യക്ഷത വഹിച്ചു. സംസ്ഥാന പ്രസിഡന്റ് ടി.പി. അബ്ദുൽ ഹഖ് മുഖ്യപ്രഭാഷണം നടത്തി. ബുശൈറുദ്ദീൻ ശർബി, ഉസ്മാൻ താമരത്ത്, അബ്ദുൽ ലത്തീഫ് എന്നിവർ വിഷയാവതരണം നടത്തി. ജില്ലാ പഞ്ചായത്തംഗങ്ങളായ ബഷീർ രണ്ടത്താണി, എ.പി. സബാഹ്, സലാം വളാഞ്ചേരി, എ. മുഹമ്മദ്, സംസ്ഥാന ഭാരവാഹികളായ എസ്.എ. റസാഖ്, മൻസൂർ മാടമ്പാട്ട്, പി. അബ്ദുൽ ലത്തീഫ്, ടി.പി. റഹീം, കെ.പി. വഹീദ, എം.പി. ഫസൽ, കെ.പി. ഫൈസൽ ബാബു എന്നിവർ പ്രസംഗിച്ചു.