കുറ്റിപ്പുറത്ത് ഏഴുകിലോ കഞ്ചാവുമായി രണ്ടുപേർ പിടിയിൽ

കുറ്റിപ്പുറം : ബൈക്കിൽ കഞ്ചാവുമായി വരുന്നതിനിടെ രണ്ടുപേർ എക്സൈസ് സംഘത്തിന്റെ വലയിലായി. രണ്ടത്താണി ചന്തപ്പറമ്പിൽ അപ്പക്കാട്ടിൽ മുഹമ്മദ് ഫൈസൽ (34), പശ്ചിമബംഗാൾ ബർദ്ദമാൻ അഷദുൾ മണൽ സ്വദേശി സോഫിക്കുൾ മണ്ഡൽ (26) എന്നിവരെയാണ് ഏഴുകിലോ കഞ്ചാവുമായി കുറ്റിപ്പുറം റെയ്ഞ്ച് എക്സൈസ് സംഘം ശനിയാഴ്ച അറസ്റ്റ്‌ ചെയ്തത്. പുലർച്ചെ 4.30-ന് കുറ്റിപ്പുറം-തിരൂർ റോഡിൽനിന്നാണ് പ്രതികളെ എക്സൈസ് ഇൻസ്പെക്ടർ മുരുഗദാസും സംഘവും ചേർന്ന് പിടികൂടിയത്‌. അസി. എക്സൈസ് ഇൻസ്പക്ടർ സുനിൽ, പ്രിവന്റീവ് ഓഫീസർ മിനുരാജ്, സിവിൽ എക്‌സൈസ് ഓഫീസർമാരായ കമ്മുകുട്ടി, മുഹമ്മദാലി എന്നിവരും സംഘത്തിലുണ്ടായിരുന്നു.