പേരശ്ശന്നൂർ ജി.എച്.എസ്.എസിൽ സൗജന്യ നേത്രപരിശോധനാ പ്രമേഹനിർണയ ക്യാമ്പുകൾ സംഘടിപ്പിച്ചു

കുറ്റിപ്പുറം: ജി.എച്.എസ്.എസ് പേരശ്ശനൂർ എൻ.എസ്.എസ് യൂണിറ്റ്, വളാഞ്ചേരി ലയൺസ് ക്ലബ്ബ്, നടക്കാവിൽ ഹോസ്പിറ്റൽ, പാലക്കാട് അഹല്യ ഐ ഹോസ്പിറ്റൽ എന്നിവയുമായി സഹകരിച്ച് സൗജന്യ നേത്രപരിശോധനപ്രമേഹനിർണയ ക്യാമ്പുകൾ നടത്തി. ഐ.എം.എ. വളാഞ്ചേരി പ്രസിഡൻറ് ഡോ.എൻ.മുഹമ്മദലി ഉദ്ഘാടനം ചെയ്തു. പി.ടി.എ പ്രസിഡൻ്റ് വി.ടി അബ്ദുൽ റസാഖ് അധ്യക്ഷത വഹിച്ചു. വാർഡ് മെമ്പർ എം.വി.വേലായുധൻ, പ്രിൻസിപ്പാൾ ബി ബിന്ദു, എൻ.എസ്.എസ് പ്രോഗ്രാം ഓഫീസർ ബി.വി.ശിവശങ്കരൻ , ലയൺസ് ക്ലബ്ബ് പ്രതിനിധികളായ അഡ്വ.കെ.ടി.അജയൻ, കെ.പി.ബഷീർ ബാബു, കെ ശ്രീകാന്ത്, കെ.സി.സജീഷ് എന്നിവർ സംസാരിച്ചു. ആരോഗ്യശീലങ്ങൾ എന്ന വിഷയത്തിൽ ഡോക്ടറുടെ ക്ലാസുമുണ്ടായി.