നൂറിന്റെ നിറവിൽ പുറമണ്ണൂർ എ.എം.യു.പി സ്കൂൾ; വിദ്യാലയചരിത്രം വീഡിയോ ആൽബമാക്കി പൂർവവിദ്യാർഥി
ഇരിമ്പിളിയം: നൂറുവയസ്സ് പൂർത്തിയായ ഇരിമ്പിളിയം പുറമണ്ണൂർ എ.എം.യു.പി. സ്‌കൂളിന്റെ ചരിത്രം ഉൾക്കൊള്ളിച്ച് വീഡിയോ ആൽബം തയ്യാറാക്കി പൂർവവിദ്യാർഥി. പുറമണ്ണൂരിലെ പ്രവാസിയായ ഷൗക്കത്തലി പനങ്കാവിലാണ് പഠിച്ച സ്‌കൂളിന്റെയും നാടിന്റെയും ചരിത്രവും ഒർമകളുമടങ്ങുന്ന ആൽബം പുറത്തിറക്കിയത്. അഞ്ചുമിനിറ്റ് ദൈർഘ്യമുള്ള വീഡിയോ ആൽബത്തിൽ വരികളെഴുതിയതും സംവിധാനംചെയ്തതും ഷൗക്കത്തലി തന്നെയാണ്.
സ്‌കൂളിൽ നടന്ന ചടങ്ങിൽ ഗ്രാമപ്പഞ്ചായത്ത് വികസനകാര്യ സ്ഥിരംസമിതി അധ്യക്ഷൻ വി.ടി. അമീർ ആൽബം സ്വിച്ച്ഓൺ ചെയ്തു. പി.ടി.എ. പ്രസിഡന്റ് ടി.പി. ഹംസ അധ്യക്ഷതവഹിച്ചു. പ്രഥമാധ്യാപിക നദീറ, സ്കൂൾ മാനേജർ ടി.പി. അബ്ദുൽകരീം, മുൻ പ്രഥമാധ്യാപകൻ ടി. മുഹമ്മദാലി എന്നിവർ പ്രസംഗിച്ചു. വീഡിയോ പ്രദർശനമുണ്ടായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
