ഇരിമ്പിളിയം ഗ്രാമപ്പഞ്ചായത്ത് മുൻ പ്രസിഡന്റ് ബി.ജെ.പിയിൽ

ഇരിമ്പിളിയം: സി.പി.എം. പ്രവർത്തകയും ഇരിമ്പിളിയം ഗ്രാമപ്പഞ്ചായത്ത് മുൻ പ്രസിഡന്റുമായിരുന്ന വലിയകുന്ന് ചോലപ്പ റോഡ് പി.പി. ശോഭന ബി.ജെ.പിയിൽ ചേർന്നു. 2005-2010 കാലയളവിൽ എൽ.ഡി.എഫിന്റെ സ്വതന്ത്രസ്ഥാനാർഥിയായി മത്സരിച്ചാണ് ഇവർ ഗ്രാമപ്പഞ്ചായത്തംഗമായത്. അവസാനത്തെ ഒന്നരവർഷമാണ് ഗ്രാമപ്പഞ്ചായത്ത് പ്രസിഡന്റ്പദവി വഹിച്ചത്.

ശോഭനയോടൊപ്പം അവരുടെ കുടുംബവും ബി.ജെ.പിയിൽ ചേർന്നിട്ടുണ്ട്. ബിജെപി നേതാക്കളായ ഹരികൃഷ്ണൻ, സോമസുന്ദരൻ, 16ആം വാർഡ് ബിജെപി സ്ഥാനാർത്ഥി കെ അരുൺകുമാർ എന്നിവർ ചേർന്ന് പാർട്ടിയിലേക്ക് സ്വീകരിച്ചു.