കേരളം ഹൈടെക്കായി; ഒപ്പം കാട്ടിപ്പരുത്തി ജി.എൽ.പി സ്കൂളും

വളാഞ്ചേരി: കേരളം പൊതു വിദ്യാഭ്യാസ മേഖലയിലെ ആദ്യ സമ്പൂർണ്ണ ഡിജിറ്റൽ സംസ്ഥാനമാകുന്നതിൻ്റെ സംസ്ഥാനതല ഉദ്ഘാടനത്തോടനുബന്ധിച്ച് കാട്ടിപ്പരുത്തി ജി എൽ പി സ്കൂൾ സമ്പൂർണ്ണ ഹൈടെക് പ്രഖ്യാപന ഉദ്ഘാടനം വളാഞ്ചേരി നഗരസഭ കൗൺസിലർ ശ്രീമതി .. സുബൈദ ചങ്ങമ്പള്ളി നിർവ്വഹിച്ചു. അധ്യാപക രക്ഷാകർതൃസമിതി പ്രസിഡണ്ട് ഇബ്രാഹിം ചങ്ങമ്പള്ളി അധ്യക്ഷത വഹിച്ചു. ഹെഡ്മാസ്റ്റർ പി.രവി പരിപാടിയുടെ വിശദീകരണം നടത്തി. പൂർവ വിദ്യാർത്ഥി സമിതി കൺവീനർ എം.ആഷിഖ്, സ്കൂൾ സപ്പോർട്ടിംഗ് ഗ്രൂപ്പ് കൺവീനർ പി. ലളിത ആശംസയർപ്പിച്ചു. പി. രവി സ്വാഗതവും സീനിയർ അധ്യാപിക മും തസ് ബാനു നന്ദിയും പറഞ്ഞു. പി.പി അരുൺ, എ.കെ.സുരേഖ, പി. പ്രിയ, പി.ശാന്ത എന്നിവർ നേതൃത്വം നൽകി