ലഹരിക്കെതിരെ ജനകീയ സദസ് സംഘടിപ്പിച്ച് ഡി.വൈ.എഫ്.ഐ വടക്കുംപുറം മേഖലാ കമ്മിറ്റി

എടയൂർ: ലഹരിക്കെതിരെ ജനകീയ കവചം എന്ന മുദ്രാവാക്യമുയർത്തി ഡി.വൈ.എഫ്.ഐ വടക്കുംപുറം മേഖലാ കമ്മിറ്റിയുടെ നേതൃത്വത്തിൽ ജനകീയ സദസ്സും, ജാഗ്രതസമിതിയും രൂപീകരിച്ചു. വളാഞ്ചേരിയിൽ ആയൂർവേദ മെഡിക്കൽ പ്രാക്ടീഷനറായ ഡോ: നബീൽ ഹാരീസ് ഉദ്ഘാടനം ചെയ്ത പരിപാടിയിൽ അഖിൽ എം, വി.പി. അലി അക്ബർ മാസ്റ്റർ, വി.പി. സുബൈറുലവൻ, ശിവദാസൻ, എൻ.കെ. അഷ്റഫ് മാസ്റ്റർ, സിക്കന്ദർ, അരൂൺ അയനം ബാവനു എന്നിവർ സംസാരിച്ചു. മുസ്തഫ അധ്യാക്ഷത വഹിച്ച ചടങ്ങിൽ വി.പി. അനൂപ് സ്വാഗതവും സുധീർ നന്ദിയും രേഖപ്പെടുത്തി.