കുറ്റിപ്പുറം ബസപകടം; ഡ്രൈവര്‍ തെറിച്ചുവീണത് 60 അടി താഴ്ചയിലേക്ക്
കുറ്റിപ്പുറം: കുറ്റിപ്പുറത്ത് റെയിൽവെ മേൽപാലത്തിന് മുകളിൽ ബസ് മറിഞ്ഞ് ഉണ്ടായ അപകടത്തിൽ വൻ ദുരന്തം ഒഴിവായത് തലനാരിഴക്ക്. ഇന്ന് രാവിലെ എട്ടേകാലോടെയാണ് അപകടമുണ്ടായത്. വളാഞ്ചേരിയിൽ നിന്ന് കുറ്റിപ്പുറത്തേക്ക് വരികയായിരുന്ന റോയൽ ട്രാൻസ്പോർട്ട് ബസ് റോഡിലെ കുഴി വെട്ടിക്കുന്നതിനിടെ നിയന്ത്രണം നഷ്ടമായി മറിയുകയായിരുന്നു. അപകടത്തിൽ നിരവധി പേർക്ക് പരിക്കേറ്റു. അതിൽ നാലു പേരുടെ നില സാരമുള്ളതെന്ന് അശുപത്രി വൃത്തങ്ങൾ വളാഞ്ചേരി ഓൺലൈനിനോട് പറഞ്ഞു.
ബസ് നിയന്ത്രണംവിട്ട് മറിഞ്ഞപ്പോള്‍ ഡ്രൈവർ എടയൂർ സ്വദേശി കുന്നേക്കാടൻ ജാഫർ അറുപതടിയോളം താഴ്ചയിലേക്ക് വീണെങ്കിലും അത്ഭുതകരമായി രക്ഷപ്പെടുകയായിരുന്നു. ഇയാൾ വീണത് പാളത്തിന് വെളിയിൽ പുല്ലും കുറ്റിച്ചെടികൾ നിറഞ്ഞ സ്ഥലത്തായത് രക്ഷയായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
