അന്താരാഷ്ട്ര ബാലിക ദിനത്തിൽ വീട്ടുമുറ്റ പ്രതിഷേധ സമരം സംഘടിപ്പിച്ചു ഡി.എ.പി.എൽ

മലപ്പുറം: “പൂമൊട്ട് നുള്ളരുത് , വരാനിരിക്കുന്ന വസന്തങ്ങളെ നശിപ്പിക്കരുത്” എന്ന സന്ദേശവുമായി അന്താരാഷ്ട്ര ബാലിക ദിനത്തിൽ ഡിഫ്രന്റ്ലി ഏബിൾഡ് പീപ്പിൾസ് ലീഗ് ജില്ല കമ്മിറ്റിയുടെ നേതൃത്വത്തിൽ വീട്ടുമുറ്റ പ്രതിഷേധം സംഘടിപ്പിച്ചു. ഉത്തര പ്രദേശിലെ ഹത്രാസിലെ അതിക്രൂരപീഡനത്തിനെതിരെയും, വാളയാർ , പാലത്തായി തുടങ്ങിയ നരഹത്യയിൽ പ്രധിഷേച്ച് നടത്തിയ പരിപാടിയുടെ ജില്ലാ തല ഉദ്ഘാടനം സംസ്ഥാന പ്രസിഡന്റ് ബഷീർ മമ്പുറം നിർവഹിച്ചു.ജില്ല പ്രസിഡന്റ് മനാഫ് മേടപ്പിൽ അധ്യക്ഷത വഹിച്ചു.ജില്ലയുടെ വിവിധ ഭാഗങ്ങളിൽ മണ്ഡലം, പഞ്ചായത്ത് കേന്ദ്രങ്ങളിൽ നൂറു കാണക്കിന് ഭിന്നശേഷി ക്കാരാണ് കുടുംബസമേതം സ്വന്തം വീട്ടുമുറ്റത്ത് പ്രതിഷേധ മുദ്രാവാക്യങ്ങള്‍ എഴുതിചേര്‍ത്ത പ്ലകാര്‍ഡുകള്‍ ഉയര്‍ത്തിപിടിച്ചു. കോവിഡ് ദുരന്തത്തിന്റെ പാശ്ചാതലത്തില്‍ പരസ്പരം അകലം പാലിച്ചു കൊണ്ട്, ആരോഗ്യ വകുപ്പിന്റെ നിര്‍ദേശങ്ങള്‍ പൂര്‍ണമായും പാലിച്ചുകൊണ്ടായിരുന്നു പ്രതിഷേധം സംഘടിപ്പിച്ചത്.

ജന.സെക്രട്ടറി ഷഫീഖ് പാണക്കാടൻ, ട്രഷറർ സകരിയ്യ കക്കാടം പുറം, സംസ്ഥാന വൈസ് പ്രസിഡൻ്റ് മുസമ്മിൽ ഹുദവി എന്നിവർ പങ്കെടുത്തു.വള്ളിക്കുന്ന് മണ്ഡലം കമ്മിറ്റിയുടെ പ്രതിഷേധം മണ്ഡലം പ്രസിഡണ്ട് യൂനുസ് പടിക്കൽ ജന:സെക്രട്ടറി സുബൈർ ചേലേമ്പ്ര ട്രഷറർ അലി മൂന്നിയൂർ, മലപ്പുറം മണ്ഡലം: മൊയ്തീൻ പൂക്കോട്ടൂർ, യൂസുഫ് കിടങ്ങയം, മങ്കട മണ്ഡലം: നാഷാദ് വഴിപ്പാറ, റഹൂഫ്, ഷമീമ,കോട്ടക്കൽ മണ്ഡലം കാസിം പൊന്മള, നിസാർ കല്ലിങ്ങൽ,മഞ്ചേരി മണ്ഡലം ഫിറോസ്, സൈഫുള്ള മരത്താണി,വണ്ടൂർ മണ്ഡലം സദ്ധാം കരുവാരക്കുണ്ട്, നിസാർ,നിലമ്പൂർ മണ്ഡലം ബാബു, സുലൈമാൻ,കണ്ടോട്ടി മണ്ഡലം ബഷീർ കൈനാടൻ, സൈനുദ്ധീൻ,വേങ്ങര മണ്ഡലം മുനീർ ഊരകം, സി.വി.എം ബാവ, ശബാദ് ഒതുക്കുങ്ങൽ എന്നിവർ പ്രതിഷേധത്തിന് നേതൃത്വം നൽകി.