അഴിമതിയും കെടുകാര്യസ്ഥതയും ആരോപിച്ച് സി.പി.ഐ.എം വളാഞ്ചേരി നഗരസഭ കാര്യാലയം ഉപരോധിച്ചു

വളാഞ്ചേരി: വളാഞ്ചേരി നഗരസഭയിൽ അഴിമതിയും കെടുകാര്യസ്ഥതയും ആരോപിച്ച് സി പി ഐ എം വളാഞ്ചേരി ലോക്കൽ കമ്മിറ്റി നഗരസഭാ ഓഫീസ്‌ ഉപരോധിച്ചു. വ്യാഴാഴ്ച നടന്ന ഉപരോധസമരം സി പി ഐ എം ഏരിയാ സെക്രട്ടറി കെ പി ശങ്കരൻ ഉദ്ഘാടനം ചെയ്തു. പരിപാടിയിൽ നഗരസഭ പ്രതിപക്ഷ നേതാവ് ഇ പി അച്ചുതൻ അദ്ധ്യക്ഷത വഹിച്ചു. നഗരസഭ കൗൺസിലർ കെ കെ ഫൈസൽ തങ്ങൾ, ബീരാൻകുട്ടി പറശേരി, എൻ വേണുഗോപാൽ എന്നിവർ സംസാരിച്ചു. കെ വി ബാബുരാജ്, ടി പി രഘുനാഥ്, കുഞ്ഞാവ വാവാസ്, പാറക്കൽ യാസർ തുടങ്ങിയവർ സമരത്തിന് നേതൃത്വം നൽകി. കെ എം ഫിറോസ്ബാബു സ്വാഗതവും കെ പി യാസർ അറഫാത്ത്‌ നന്ദിയും പറഞ്ഞു.