കുറ്റിപ്പുറം റയിൽവേ സ്റ്റേഷനോടുള്ള അവഗണന: കോൺഗ്രസ്‌ ഒപ്പുശേഖരണം നടത്തി
കുറ്റിപ്പുറം: ജില്ലയിലെ പ്രധാന സ്റ്റേഷനായ കുറ്റിപ്പുറം റയിൽവേസ്റ്റേഷനോടുള്ള അവഗണനയ്ക്കെതിരേ കുറ്റിപ്പുറം മണ്ഡലം കോൺഗ്രസ്‌കമ്മിറ്റി നടത്തുന്ന സരമപരമ്പരയുടെ ഒന്നാംഘട്ടമായി ഒപ്പുശേഖരണവും പ്രതിഷേധക്കൂട്ടായ്മയും നടത്തി.
കോയമ്പത്തൂർ-മംഗലാപുരം ഇന്റർസിറ്റി, ജനശതാബ്ദി തീവണ്ടികൾക്ക് സ്റ്റോപ്പ് അനുവദിക്കുക, രണ്ടാംപ്ലാറ്റ്‌ഫോമിലെ അടിസ്ഥാന സൗകര്യങ്ങൾ വികസിപ്പിക്കുക, ഇൻഫർമേഷൻ സെന്റർ സ്ഥാപിക്കുക, നടപ്പാലത്തിന് മേൽക്കൂര നിർമിക്കുക എന്നീ ആവശ്യങ്ങളുന്നയിച്ചാണ് സമരം നടത്തുന്നത്.
പാറക്കൽ ബഷീർ അധ്യക്ഷനായി. മുജീബ് കൊളക്കാട്, മഠത്തിൽ ശ്രീകുമാർ, എ.എ. സുൽഫിക്കർ, കെ.പി. അസീസ്, ജംഷീദ്, എം. ബാലഭാസ്‌കരൻ, ഹംസ തടത്തിൽ, പ്രവീൺ പാഴൂർ എന്നിവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
