വളാഞ്ചേരി നഗരസഭ കമ്മ്യൂണിറ്റി കിച്ചണ് “ആയുഷ് ബിരിയാണി“യോടെ സമാപനം

വളാഞ്ചേരി: കോവിഡ് പ്രതിരോധവുമായി ബന്ധപ്പെട്ട് നടപ്പിലാക്കിയ ലോക്ക്ഡൌണിൽ ഭക്ഷണത്തിന് ബുദ്ധിമുട്ടനുഭവിക്കുന്നവർക്കായി സംസ്ഥാനമൊട്ടുക്ക് നടപ്പിലാക്കിയ കമ്മ്യൂണിറ്റി കിച്ചൺ വളാഞ്ചേരി നഗരസഭയിൽ സമാപിച്ചു. നീണ്ട 37 ദിവസത്തിനു ശേഷമാണ് വളാഞ്ചേരിയിലെ കമ്മ്യൂണിറ്റി കിച്ചൺ സമാപിച്ചത്. അവസാന ദിവസമായ ഇന്ന് ഉച്ചക്ക് ബിരിയാണി വിളമ്പിയാണ് അവസാനിപ്പിച്ചത്. നഗരസഭയുടെ ആയുഷ് വിഭാഗത്തിലെ (ആയൂർവ്വേദം, ഹോമിയോപ്പതി, സിദ്ധ) ഡോക്ടർമാരായ ഡോ. ശ്രുതി, ഡോ. ഹാരിഷ, ഡോ. സുശാന്ത് എന്നിവരാണ് കമ്മ്യൂണിറ്റി കിച്ചന്റെ സമാപന ദിനത്തിൽ രുചിയേറും ബിരിയാണി നൽകിയതിന്റെ പൂർണ്ണ ചിലവും വഹിച്ചത്.