തിരുവേഗപ്പുറ മഹാക്ഷേത്രത്തിൽ ഭാഗവതസത്രം തുടങ്ങി

തിരുവേഗപ്പുറ: വാഴകുന്നം വാസുദേവൻ നമ്പൂതിരി സ്മാരക 12-ാമത് ഭാഗവത ദ്വാദശാഹസത്രം തിരുവേഗപ്പുറ മഹാക്ഷേത്രസന്നിധിയിൽ മാഹാത്മ്യം വായനയോടെ തുടങ്ങി. തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണി നമ്പൂതിരിപ്പാട് കൊടിയുയർത്തി. മുഖ്യാചാര്യൻ വെണ്മണി കൃഷ്ണൻ നമ്പൂതിരിപ്പാടിനൊപ്പം പ്രമുഖ ഭാഗവതാചാര്യന്മാരും വേന്ത്രക്കാട്ട് കൃഷ്ണൻ നമ്പൂതിരിയും പങ്കെടുക്കുന്നുണ്ട്.

27-ന് സമാപിക്കും. ദിവസവും രാവിലെ ആറിന് വിഷ്ണുസഹസ്രനാമം, സമൂഹപ്രാർഥന, നാരായണകവചം, ഭാഗവതസംഗ്രഹം, 12.30-ന് നാരായണീയ പാരായണം എന്നിവയുണ്ടാകും. ഉച്ചയ്ക്ക് രണ്ടിന് ഭാഗവതപാരായണം, 2.30-ന് പ്രഭാഷണം, 6.30-ന് അവതാര കളംപൂജ എന്നിവയുമുണ്ടാകും.