എടയൂരിൽ പട്ടികജാതി വയോജനങ്ങൾക്കുള്ള കട്ടിൽ വിതരണം ചെയ്തു

എടയൂർ: എടയൂർ ഗ്രാമപ്പഞ്ചായത്ത് ജനകീയാസൂത്രണം 2020-21വാർഷിക പദ്ധതിയിലുൾപ്പെടുത്തി പട്ടികജാതി വയോജനങ്ങക്ക് കട്ടിൽ വിതരണംചെയ്തു. ഗ്രാമപ്പഞ്ചായത്ത് പ്രസിഡന്റ് കെ.കെ. രാജീവ് ഉദ്ഘാടനംചെയ്തു. വൈസ് പ്രസിഡന്റ് ആർ.കെ. പ്രമീള അധ്യക്ഷത വഹിച്ചു.

വികസനകാര്യ സ്ഥിരംസമിതി അധ്യക്ഷൻ കെ.കെ. മോഹനകൃഷ്ണൻ, അംഗങ്ങളായ സലീന വള്ളൂരാൻ, കെ.കെ. ശോഭന, സി. കുഞ്ഞാലി, ആർ.കെ. സുബ്രഹ്മണ്യൻ, കെ.പി. വിശ്വനാഥൻ, തീയാട്ടിൽ അബ്ദുള്ളക്കുട്ടി, സി.ആർ. രമ്യ, അനൂപ് സുന്ദർ എന്നിവർ പങ്കെടുത്തു. വയോജനക്ഷമം മുൻനിർത്തി നടപ്പാക്കുന്ന പദ്ധതിപ്രകാരം പട്ടികജാതി വിഭാഗക്കാർക്കായി 72 കട്ടിലുകളാണ് ഈ വർഷം വിതരണംചെയ്തത്.