സി.എച്ച്. അബൂയൂസഫ് ഗുരുക്കൾ കരുത്തുറ്റ വ്യക്തിത്വം -സമദാനി

വളാഞ്ചേരി : വളാഞ്ചേരിയുടെ വികസനപ്രവർത്തനങ്ങളിൽ മുഖ്യപങ്കുവഹിച്ച സി.എച്ച്. അബൂയൂസഫ്‌ ഗുരുക്കളെ അനുസ്‌മരിച്ചു. കോട്ടയ്ക്കൽ നിയോജകമണ്ഡലം എം.എസ്.എഫ്. കമ്മിറ്റി‘ഓർമയിലെ അബുട്ട്യാക്ക’ എന്ന പേരിൽ സംഘടിപ്പിച്ച അനുസ്‌മരണം എം.പി. അബ്ദുസ്സമദ് സമദാനി എം.പി. ഉദ്ഘാടനംചെയ്തു. കരുത്തുറ്റ സൗഹൃദവും മനുഷ്യബന്ധങ്ങളും നിലനിർത്തിയ വ്യക്തിയും കാർഷികമേഖലയ്ക്കും ജീവകാരുണ്യ പ്രവർത്തനങ്ങൾക്കും പ്രാധാന്യം നൽകിയ ആളുമായിരുന്നു ഗുരുക്കളെന്ന് അദ്ദേഹം പറഞ്ഞു. എം.എസ്.എഫ്. മണ്ഡലം പ്രസിഡന്റ് ഒ.പി. റഊഫ് അധ്യക്ഷതവഹിച്ചു. മുസ്‌ലിംലീഗ് ജില്ലാ ജനറൽസെക്രട്ടറി കെ.എം. ഗഫൂർ മുഖ്യപ്രഭാഷണം നടത്തി.പി.കെ. നവാസ്, ബഷീർ രണ്ടത്താണി, സലാം വളാഞ്ചേരി, അഷറഫ് അമ്പലത്തിങ്ങൽ, ബുഷ്‌റ ഷബീർ, പരപ്പാര സിദ്ദിഖ്, എ.പി. മൊയ്തീൻകുട്ടി, യു.എ. ബഷീർ എന്നിവർ പ്രസംഗിച്ചു.