കുറ്റിപ്പുറം നിക്ഷേപത്തട്ടിപ്പ്: അബ്ദുൾനൂർ വീണ്ടും അറസ്റ്റിൽ

കുറ്റിപ്പുറം : കുറ്റിപ്പുറം നിക്ഷേപത്തട്ടിപ്പ് കേസിലെ പ്രതി വീണ്ടും അറസ്റ്റിലായി. കുറ്റിപ്പുറം തെക്കേ അങ്ങാടി കമ്പാല മുഹമ്മദ് അബ്ദുൾ നൂറിനെ(45)യാണ് കുറ്റിപ്പുറം സി.ഐ. ശശീന്ദ്രൻ മേലേയിൽ അറസ്റ്റുചെയ്തത്. 2008-ലാണ് റിയൽ എസ്റ്റേറ്റ് കച്ചവടത്തിന്റെ പേരിൽ നിക്ഷേപമായി സ്വീകരിച്ച കോടിക്കണക്കിനു രൂപ തട്ടിയെടുത്ത കേസിൽ ആദ്യം ഇയാൾ അറസ്റ്റിലാകുന്നത്. ജാമ്യത്തിലിറങ്ങിയതിനു ശേഷം മുങ്ങിയ ഇയാളെ പിന്നീട് 2013-ൽ പോലീസ് അറസ്റ്റുചെയ്തിരുന്നു.

ഇതിനുശേഷവും ജാമ്യത്തിലിറങ്ങിയ ഇയാൾ കേസുകളുടെ വിചാരണവേളയിൽ ഹാജരാകാതിരുന്ന സാഹചര്യത്തിലാണ് ബുധനാഴ്‌ച വീട്ടിൽനിന്ന്‌ പോലീസ് അറസ്റ്റു ചെയ്തത്. നിരവധി കോടതികളിൽ അബ്ദുൾ നൂറിനെതിരേ കേസുകളുണ്ട്.എസ്‌.ഐ. സജീഷ്, സി.പി.ഒ.മാരായ സുനിൽബാബു, ബിജു, രഞ്ജിത്ത് എന്നിവരും പോലീസ് സംഘത്തിലുണ്ടായിരുന്നു.