ഡി.വെെ.എഫ്.ഐ വളാഞ്ചേരി ബ്ലോക്ക് കാൽനട ജാഥ പര്യടനം തുടരുന്നു

വളാഞ്ചേരി : തൊഴിലില്ലായ്മ ക്കെതിരെ, മതനിരപേക്ഷ ഇന്ത്യക്കായ് യുവജന മുന്നേറ്റം’ എന്ന മുദ്രാവാക്യമുയർത്തി ഡി വൈ എഫ് ഐ വളാഞ്ചേരി ബ്ലോക്ക് കമ്മിറ്റിയുടെ നേതൃത്വത്തിൽ സംഘടിപ്പിച്ച കാൽനട ജാഥ പര്യടനം തുടരുന്നു.വെള്ളിയാഴ്ച വൈകുന്നേരം കടുങ്ങാത്തുകുണ്ടിൽ വെച്ച് സി പി ഐ എം ജില്ല കമ്മിറ്റി അംഗം എ ശിവദാസൻ ഉദ്ഘാടനം ചെയ്ത ജാഥ ശനിയാഴ്ച രാവിലെ കല്ലിങ്ങൽ നിന്ന് ആരംഭിച്ച് പുത്തനത്താണി, ചേലക്കുത്ത്, കാടാമ്പുഴ,കഞ്ഞിപ്പുര ,കാവുംപുറം എന്നിവടങ്ങളിൽ സ്വീകരണമേറ്റുവാങ്ങി വളാഞ്ചേരിയിൽ സമാപിച്ചു.

ബ്ലോക്ക് സെക്രട്ടറി ടി പി ജംഷീർ ജാഥക്യാപ്റ്റനും ട്രഷറർ ഇ എം സജിത വെെസ് ക്യാപ്റ്റനും പ്രസിഡണ്ട് എം അഖിൽ ജാഥ മാനേജരുമായ ജാഥ പര്യടനം നടത്തുന്നത്. വിവിധ കേന്ദ്രങ്ങളിൽ ജാഥ ക്യാപ്റ്റൻ ടി പി ജംഷീർ, വൈസ് ക്യാപ്റ്റൻ ഇ എം സജിത, മാനേജർ എം അഖിൽ,കെ പി അശ്വിൻ, എം സുജിൻ, എം ഷബീർ, വി പി സബ്നേഷ്, ശ്രീജിത്ത്‌ കാടാമ്പുഴ എന്നിവർ സംസാരിച്ചു. വളാഞ്ചേരി ടൗണിൽ സമാപനപൊതുയോഗം ജില്ലാ ട്രഷറർ പി മുനീർ ഉത്ഘാടനം ചെയ്തു.

ഞായറാഴ്ച രാവിലെ കുറ്റിപ്പുറത്ത് നിന്ന് ആരംഭിച്ച് എം എം മൂടാൽ, പാണ്ടികശാല, കോട്ടപ്പുറം, വലിയകുന്ന് എന്നിവടങ്ങളിലെ സ്വീകരണത്തിന് ശേഷം പൂക്കാട്ടിരിയിൽ സമാപിക്കും. സമാപനം ഡി വെ എഫ് ഐ ജില്ല വെെസ് പ്രസിഡണ്ട് കെ ജിനേഷ് ഉദ്ഘാടനം ചെയ്യും.