കാവനൂരിലെ പെൺകുട്ടിക്ക് നീതി ഉറപ്പു വരുത്തണമെന്നാവശ്യപ്പെട്ട് ബി.ജെ.പി വളാഞ്ചേരിയിൽ ജനകീയ ധർണ നടത്തി

വളാഞ്ചേരി: സ്ത്രീ സുരക്ഷക്ക് സ്ത്രീശക്തി എന്ന മുദ്രവാക്യം ഉയർത്തി കാവനൂരിലെ പെൺകുട്ടിക്ക് നീതി ഉറപ്പു വരുത്തണം എന്ന് ആവശ്യപ്പെട്ട് ബി.ജെ.പി കുറ്റിപ്പുറം മണ്ഡലം കമ്മിറ്റിയുടെ നേതൃത്വത്തിൽ ജനകീയ ധർണ നടത്തി. മഹിള മോർച്ച ജില്ലാ പ്രസിഡന്റ് ദീപ പുഴക്കൽ ഉദ്ഘാടനം ചെയ്തു. കുറ്റിപ്പുറം മണ്ഡലം പ്രസിഡന്റ് കെ.ടി. അനിൽകുമാർ അദ്ധ്യക്ഷതവഹിച്ചു. ഒ.ബി.സി മോർച്ച സംസ്ഥാന സമിതി അംഗം മാനോജ് പാശ്ശേരി മുഖ്യ പ്രഭാഷണം നടത്തി. ബി.ജെ.പി ജില്ലാ സെക്രട്ടറി പി.പി ഗണേശൻ, ജില്ലാ കമ്മിറ്റി അംഗങ്ങളായ സുരേഷ് പാറത്തൊടി, നാരായണനുണ്ണി, പട്ടികജാതി മോർച്ച ജില്ലാ ജനറൽ സെക്രട്ടറി വാസുദേവൻ , മഹിള മോർച്ച മണ്ഡലം പ്രസിഡന്റ് പ്രസിത, മണ്ഡലം സെക്രട്ടറി രോഷിത, മണ്ഡലം ട്രഷറർ ഷീല, മഹിള മോർച്ച ജില്ലാ സെക്രട്ടറി ഗിരിജ, മണ്ഡലം ജനറൽ സെക്രട്ടറി ഹരിദാസൻ, മണികണ്ഠൻ തുടങ്ങിയവർ സംസാരിച്ചു.