സാമ്പത്തികത്തട്ടിപ്പ് : കാളിയാടൻ ലത്തീഫിനെതിരേ കൂടുതൽ പരാതികൾ

കുറ്റിപ്പുറം : കഴിഞ്ഞദിവസം അറസ്റ്റിലായ കുറ്റിപ്പുറം ചെല്ലൂർ സ്വദേശി കാളിയാടൻ ലത്തീഫിനെതിരേ (47) കൂടുതൽ പരാതികൾ. കുറ്റിപ്പുറത്തെ ഒരു സ്വകാര്യ ധനകാര്യസ്ഥാപനത്തിൽ ലത്തീഫ് മുക്കുപണ്ടം പണയംവെച്ച് ലക്ഷങ്ങൾ തട്ടിയെടുത്തതു സംബന്ധിച്ചും ആഡംബര കാറുകൾ വാടകയ്ക്കെടുത്ത് പണയംവെച്ചതുമായി ബന്ധപ്പെട്ടുമുള്ള പരാതികളാണ് വെള്ളിയാഴ്‌ച കുറ്റിപ്പുറം പോലീസിൽ ലഭിച്ചത്.

നിരവധി തട്ടിപ്പു കേസുകളിൽ പ്രതിയായ ലത്തീഫിനെ സി.ഐ. ശശീന്ദ്രൻ മേലേയിൽ തൃശ്ശൂരിൽനിന്നാണ് അറസ്റ്റുചെയ്തത്. കുറ്റിപ്പുറത്ത് കച്ചവടം നടത്തുന്ന യുവാവിൽനിന്ന് മലേഷ്യയിലെ തന്റെ കച്ചവടത്തിൽ പങ്കാളിയാക്കാമെന്നു വാഗ്‌ദാനംചെയ്ത് 15 ലക്ഷം രൂപ തട്ടിയെടുത്ത കേസിലാണ് കുറ്റിപ്പുറം പോലീസ് ലത്തീഫിനെ അറസ്റ്റുചെയ്തത്. ലത്തീഫിനെ റിമാൻഡ്ചെയ്തു.