കുറ്റിപ്പുറം മേഖലയിലെ മുഴുവൻ പഞ്ചായത്തുകളിലും യുറീക്ക ബാലവേദി രൂപവത്കരിച്ചു
വളാഞ്ചേരി : ശാസ്ത്രസാഹിത്യപരിഷത്ത് കുറ്റിപ്പുറം മേഖലയിലെ മുഴുവൻ പഞ്ചായത്തുകളിലും യുറീക്ക ബാലവേദി രൂപവത്കരിച്ചു. മേഖലാതല ഉദ്ഘാടനം ബാലവേദി സംസ്ഥാന കൺവീനർ വി. രാജലക്ഷ്മി നിർവഹിച്ചു. ചാന്ദ്രദിനാചരണത്തിന്റെ ഭാഗമായി ഗ്രഹങ്ങളുടെ പ്രത്യേകതകളെക്കുറിച്ച് ജ്യോതിശാസ്ത്ര കൂട്ടായ്‌മയായ മാർസിന്റെ കൺവീനറായിരുന്ന സി. സുബ്രഹ്മണ്യൻ ക്ലാസെടുത്തു.
കെ.എസ്. സുധീഷ്‌കുമാർ അധ്യക്ഷതവഹിച്ചു. സംസ്ഥാന സെക്രട്ടറി പി. രമേഷ്‌കുമാർ, ടി. ദീപ, കെ. അംബുജം, പി. വിജയകൃഷ്ണൻ എന്നിവർ പങ്കെടുത്തു. ഗൂഗിൾ മീറ്റായി നടന്ന ക്ലാസിൽ 150 കുട്ടികൾ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
