എസ്‌എഫ്‌ഐ അഖിലേന്ത്യ പ്രസിഡന്‍റ് വി പി സാനു വിവാഹിതനായി
കൊച്ചി: എസ്‌എഫ്‌ഐ അഖിലേന്ത്യ പ്രസിഡന്‍റ് വി പി സാനു വിവാഹിതനായി. എറണാകുളം വൈപ്പിന്‍ സ്വദേശിനി ഗാഥ എം ദാസാണ് വധു. രാജീവ് ഗാന്ധി നാഷണൽ ഇൻസ്റ്റിറ്റ്യൂട്ടിലെ ഗവേഷക വിദ്യാർത്ഥിയാണ് ഗാഥ. ശനിയാഴ്ച വൈപ്പിന്‍ കുഴിപ്പിള്ളി രജിസ്റ്റര്‍ ഓഫീസില്‍ സ്പെഷ്യല്‍ മാരേജ്‌ ആക്‌ട്‌ പ്രകാരമാണ്‌ ഇരുവരും വിവാഹം രജിസ്റ്റര്‍ ചെയ്തത്‌. തുടര്‍ന്ന്‌ ചെറായി സഹോദരന്‍ സ്മാരകത്തില്‍ സല്‍ക്കാരവും സംഘടിപ്പിച്ചു. ലളിതമായ ചടങ്ങളോടുകൂടിയായിരുന്നു വിവാഹം. ഇരുവരുടെയും കുടുബാംഗങ്ങളും ബന്ധുക്കളും അടുത്ത സുഹൃത്തുക്കളും ചടങ്ങില്‍ പങ്കെടുത്തു. സുഹൃത്തും സഹപ്രവർത്തകയുമായ ചിന്താ ജെറോമാണ് സന്തോഷവാർത്ത സോഷ്യൽ മീഡിയയെ അറിയിച്ചത്.
ഡിസംബർ 30ന് മലപ്പുറം വളാഞ്ചേരിയിലെ സാഗർ ഓഡിറ്റോറിയത്തിൽ വൈകുന്നേരം നാലു മണിക്കും എട്ടു മണിക്കുമിടയിലാണ് വിവാഹ ചടങ്ങുകൾ ഉണ്ടാകും. വിവാഹിതനാകാൻ പോകുന്നുവെന്ന വിവരം വിപി സാനു നേരത്തെ ഫെയ്സ്ബുക്കിലൂടെയാണ് പ്രിയപ്പെട്ടവരെ അറിയിച്ചത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
