കുറ്റിപ്പുറത്ത് ആംബുലൻസ് അപകടത്തിൽപെട്ട് ചികിത്സയിലായിരുന്ന രോഗി മരിച്ചു

കുറ്റിപ്പുറം: ആശുപത്രിയിൽ കൊണ്ടുപോകുന്നതിനിടെ ആംബുലൻസ് അപകടത്തിൽപെട്ട് പരിക്കേറ്റ് ചികിത്സയിൽ ആയിരുന്ന രോഗി മരിച്ചു. തിരുനാവായ കാദനങ്ങാടി പരേതയായ അയനിക്കോട്ടിൽ മൊയ്തീൻ കുട്ടിയുടെ മകൾ ബീക്കുട്ടി (67) ആണ് ബുധനാഴ്ച തൃശൂർ മെഡിക്കൽ കോളേജിൽ വച്ച് മരിച്ചത്.

വളാഞ്ചേരിയിലെ അശുപത്രിയിൽ നിന്ന് തൃശൂരിലേക്ക് കൊണ്ടുപോകും വഴി തിങ്കളാഴ്ച തവനൂർ റോഡ് ജംഗ്ഷനിൽ വച്ചാണ് ആംബുലൻസ് അപകടത്തിൽപെട്ടത്. എതിരെ വന്ന മഹീന്ദ്ര ജീത്തോയുമായി കൂട്ടിയിടിക്കുകയായിരുന്നു.
അപകടത്തിൽ ബീക്കുട്ടിക്ക് തലക്ക് പരിക്കേറ്റിരുന്നു. ആദ്യം എടപ്പാളിലെ സ്വകാര്യ അശുപത്രീലും പിന്നീട് തൃശൂരിലെ സ്വകാര്യ അശുപത്രിയിലും എത്തിച്ചെങ്കിലും പരിക്ക് ഗുരുതരമായതിനാൽ മെഡിക്കൽ കോളേജ് അശുപത്രിയിലേക്ക് മാറ്റുകയായിരുന്നു.
മക്കൾ: സാലിയ, സംസാബി. സഹോദരങ്ങൾ: അയിശക്കുട്ടി, മറിയ