HomeNewsAccidents20 passengers injured in a bus accident at Vallarthapadi

20 passengers injured in a bus accident at Vallarthapadi

20 passengers injured in a bus accident at Vallarthapadi

വളാഞ്ചേരിക്കു സമീപം കരേക്കാട് വലാര്‍ത്തപ്പടിയില്‍ ബസ് മറിഞ്ഞ് 20 പേര്‍ക്ക് പരിക്കേറ്റു. ഞായറാഴ്ച രാവിലെ ആറരയ്ക്കാണ് അപകടം. കാരേക്കാട്ടുനിന്ന് വളാഞ്ചേരിയിലേക്ക് വരികയായിരുന്ന മീനു സ്റ്റാര്‍ ബസ്സാണ് അപകടത്തില്‍പ്പെട്ടത്. വലാര്‍ത്തപ്പടിയില്‍ പ്രാഥമികാരോഗ്യ കേന്ദ്രത്തിനുസമീപം ഇറക്കമിറങ്ങിവന്ന ബസ് നിയന്ത്രണംവിട്ട് റോഡരികിലെ ഓവുചാലിലേക്ക് മറിയുകയായിരുന്നു. ബസ്സില്‍ നിറയെ യാത്രക്കാരുണ്ടായിരുന്നു. ഞായറാഴ്ചയായതിനാല്‍ പൂക്കാട്ടിരി മൂന്നാക്കല്‍ പള്ളിയിലേക്ക് അരിവാങ്ങാന്‍ വരുന്നവരായിരുന്നു ഏറെയും.

ഗുരുതരമായി പരിക്കേറ്റ കോട്ടയ്ക്കല്‍ ആര്യവൈദ്യശാലാ ജീവനക്കാരനായ കാടാമ്പുഴ കരേക്കാട് ദ്വാരകാ മന്ദിരത്തില്‍ പ്രമോദ്കുമാറി(45)നെ പെരിന്തല്‍മണ്ണ സ്വകാര്യ ആസ്പത്രിയില്‍ പ്രവേശിപ്പിച്ചു. പരിക്കേറ്റ മറ്റ് യാത്രക്കാരെല്ലാം വളാഞ്ചേരി നടക്കാവില്‍ ആസ്പത്രിയില്‍ ചികിത്സയിലാണ്.

വളാഞ്ചേരി നടക്കാവില്‍ ആസ്പത്രിയില്‍ ചികിത്സയിലുള്ളവര്‍: കരേക്കാട് ചേനാടന്‍ പടലാരത്ത് കുഞ്ഞിമൊയ്തീന്‍കുട്ടി(57), വെങ്ങാട് പുതിയത്ത് അയ്യൂബ്(25), കരേക്കാട് പാണത്തൊടി മൊയ്തീന്റെ മകള്‍ സുഫീദ(14), കരേക്കാട് പാറമ്മല്‍ ബഷീറിന്റെ ഭാര്യ ഫാത്തിമ(33), വടക്കുംപുറം കുമ്മിളിപ്പറമ്പില്‍ സലീന(36), സലീനയുടെ മകള്‍ ഷാനിബ(15), വടക്കുംപുറം മാക്കുളങ്ങര വാരിയത്ത് രാജശേരന്റെ ഭാര്യ രാജി(38), സി.കെ. പാറ വാരിയംപറമ്പില്‍ മൊയ്തീന്‍കുട്ടിയുടെ ഭാര്യ റൈഹാനത്ത്(40), സി.കെ. പാറ കുര്യത്ത് കല്ലിങ്ങല്‍ രാജഗോപാലന്‍(51), കരേക്കാട് വാഴയില്‍ അലി(34), കരേക്കാട് പാറമ്മല്‍ കോയയുടെ ഭര്യ മറിയ(48), വടക്കുംപുറം ഇളയില്‍തൊടി അബ്ദുല്‍ജലീൽ(29), കൊളത്തൂര്‍ പുതുവാക്കത്ത് സമദിന്റെ മകന്‍ സൈനുല്‍ ആബിദ്(14), സി.കെ പാറ വടക്കുംപുറം മങ്ങാട്ട് അസൈനാർ(53), പാങ്ങ് ചേണ്ടി പുതുശ്ശേരി ജാസിർ(40), നമ്പൂതിരിപ്പടി കരേക്കാട് ഉള്ളീരി ഷാഫി(26), കരേക്കാട് പടിഞ്ഞാക്കര ചേനാടന്‍ മുഹമ്മദ്കുട്ടി(60), കരേക്കാട് ആച്ചിക്കുളത്ത് ആലിക്കുട്ടി(29).

 

Summary: 20 passengers are injured as a bus toppled off at Vallarthapadi on Sunday morning.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment