കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തിൽ മനുഷ്യാവകാശ ദിനം ആചരിച്ചു

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തിൽ മനുഷ്യാവകാശ ദിനം ആചരിച്ചു. പരിപാടിയുടെ ഔപചാരിക ഉദ്ഘാടനം ബ്ലോക്ക് പഞ്ചായത്ത് വൈസ് പ്രസിഡന്റ് കെ പി സുരേന്ദ്രൻ നിർവഹിച്ചു. ചടങ്ങിൽ വളാഞ്ചേരി ഗ്രാമപഞ്ചായത്ത് പ്രസിഡന്റ് ടി പി അബ്ദുൾ ഗഫൂർ അദ്യക്ഷനായിരുന്നു. ‘മനുഷ്യാവകാശ സംരക്ഷണം’ എന്ന വിഷയത്തിൽ കുറ്റിപ്പുറം ബ്ലോക്ക് പ്രേരക് കെ ടി നിസാർ ബാബു ക്ലാസെടുത്തു. വളാഞ്ചേരി ഗ്രാമപഞ്ചായത്ത് വിദ്യാഭ്യാസ ആരോഗ്യ സ്റ്റാന്റിങ്ങ് കമ്മിറ്റി ചെയർമാൻ ഷംസു പാറക്കൽ മുഖ്യാഥിതിയായിരുന്നു.

ജില്ലാ സാക്ഷരതാ സമിതി അംഗം പി വി ബദറുന്നീസ, സാക്ഷരതാ പ്രവർത്തകരായ എം പി റുഖിയ ടീച്ചർ, കെ പ്രിയ, യു വസന്ത, എം ഷൈലജ, സുജിത കെ എന്നിവർ സംസാരിച്ചു.