കുറ്റിപ്പുറം ബ്ലോക്ക്തല തുല്യതാ പഠിതാക്കളുടെ സംഗമം നടത്തി

വളാഞ്ചേരി: കേരള സംസ്ഥാന സാക്ഷരതാ മിഷൻ നടപ്പിലാക്കുന്ന പത്താം തരം തുല്യതാ കോഴ്സിന്റെ എട്ടാം ബാച്ചിലെ കുറ്റിപ്പുറം ബ്ലോക്ക്തല പഠിതാക്കളുടെ സംഗമം വളാഞ്ചെരി ഹയർ സെക്കൻഡറി സ്കൂളിൽ വച്ച് നടന്നു. പരിപാടിയുടെ ഔപചാരിക ഉദ്ഘാടന കർമ്മം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് കെ‌പി വഹീദ നിർവഹിച്ചു. ഇത്തവണ റജിസ്റ്റർ ചെയ്ത പഠിതാക്കൾക്ക് 100 ശതമാനം വിജയം കൈവരിക്കാനവശ്യമായ പരിപാടികൾക്ക് രൂപം നൽകുമെന്നും എട്ടാം ബാച്ചിന്റെ ബ്ലോക്ക് തല ഉദ്ഘാടനം ഡിസംബറിൽ നടക്കുമെന്നും അവർ പറഞ്ഞു.

ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡന്റ് കെ‌പി സുരേന്ദ്രൻ അദ്യക്ഷത വഹിച്ചു. വളാഞ്ചേരി പഞ്ചായത്ത് പ്രസിഡന്റ് ടിപി അബ്ദുൾ ഗഫൂർ, മാറാക്കര പഞ്ചായത്ത് പ്രസിഡന്റ് ഒറ്റകത്ത് ജമീല, എടയൂർ പഞ്ചായത്ത് പ്രസിഡന്റ് സാജിത പി, സ്റ്റാന്റിങ്ങ് കമ്മിറ്റി ചെയർമാന്മാരായ ഷംസു പാറക്കൽ, ബഷീർ അടിയാട്ടിൽ, സിദ്ദീഖ്, തൈക്കാടൻ അബ്ദു, ബ്ലോക്ക് മെമ്പർമാരായ സി‌എച് ജലീൽ, കെ കൃഷ്ണൻ, ഖൈറുന്നീസ, വസന്ത യു തുടങ്ങിയവർ പ്രസംഗിച്ചു.

Summary: A get together for the eighth batch of standard tenth equivalency course by Kerala Literacy Mission conducted at Valanchery Higher Secondary School. Block Panchayath president Ms. KP Vaheeda inaugurated the function.