വളാഞ്ചേരിയിലെ കാൻസർ രോഗിക്ക് എറണാകുളത്തുനിന്ന് മരുന്ന് എത്തിച്ചുനൽകി യൂത്ത് കെയർ പ്രവർത്തകർ

വളാഞ്ചേരി: വളാഞ്ചേരിയിലെ കാൻസർ രോഗിക്ക് എറണാകുളത്തുനിന്ന് മരുന്ന് എത്തിച്ചുനൽകി യൂത്ത് കെയർ പ്രവർത്തകർ. യൂത്ത് കോൺഗ്രസ് നേതാവ് ഇഫ്തികാറുദ്ധീൻ യൂത്ത് കോൺഗ്രസ് എറണാകുളം പാർലമെൻറ് പ്രസിഡൻറ് എം.വി. രതീഷ്‌വഴി എറണാകുളത്തെ ശ്രീകൃഷ്ണ കാൻസർ റിസർച്ച് സെന്ററിൽ നിന്നും വാങ്ങിച്ച മരുന്നാണ് കെ.വി ഷാനവാസ് ചങ്ങരംകുളത്ത് എത്തിച്ചത്.

ഇവിടെനിന്ന് യൂത്ത്കെയർ പ്രവർത്തകരായ ഷംസീർ മണാളത്തും സഹപ്രവർത്തകരായ പി.എം ഷെമീർ, സുധീർ തുടങ്ങിയവരും ചേർന്ന്‌ ഏറ്റുവാങ്ങിയ മരുന്ന് കുറ്റിപ്പുറത്ത് എത്തിച്ചു. പിന്നീട് യൂത്ത് കോൺഗ്രസ്സ് കുറ്റിപ്പുറം മണ്ഡലം പ്രസിഡൻറ് മുസ്തഫ ഏറ്റുവാങ്ങിയ മരുന്ന് വളാഞ്ചേരി നഗരസഭാംഗം നൗഫൽ പാലാറ കാൻസർ ചികിൽസയിൽ കഴിയുന്ന രോഗിയുടെ വീട്ടിൽ എത്തിച്ചു.