‘പടയൊരുക്കം’ യാത്രയ്ക്ക് കോട്ടക്കലിൽ വൻ സ്വീകരണം
കോട്ടയ്‍ക്കൽ: ‘പടയൊരുക്കം’ യാത്രയ്ക്ക് കോട്ടക്കലിൽ വൻ സ്വീകരണം. ഏറ്റവും വലിയ ഏകാധിപതി ആരാകണമെന്ന കാര്യത്തിൽ നരേന്ദ്ര മോദിയും പിണറായി വിജയനും തമ്മിൽ മത്സരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ഇരുവരും ഒരു നാണയത്തിന്റെ രണ്ടു വശങ്ങളാണ്. ബിജെപിയെ പ്രതിരോധിക്കൻ സിപിഎം അശക്തമാണ്. കഴിഞ്ഞ സർക്കാർ തുടങ്ങിയ പദ്ധതികളാണ് പിണറായി സർക്കാർ നടപ്പാക്കുന്നത്. സോളർ വിഷയം സർക്കാറിനെ തിരിഞ്ഞുകൊത്തുകയാണെന്നും അദ്ദേഹം പറഞ്ഞു.
‘പടയൊരുക്ക’ത്തിന് കോട്ടയ്‍ക്കൽ ബസ് സ്‍റ്റാൻഡ് പരിസരത്ത് നൽകിയ സ്വീകരണത്തിൽ പ്രസംഗിക്കുകയായിരുന്നു അദ്ദേഹം. കെ.കെ.ആബിദ് ഹുസൈൻ തങ്ങൾ എംഎൽഎ ഉദ്ഘാടനം ചെയ്‍തു. പാഴൂർ മുഹമ്മദ്കുട്ടി ആധ്യക്ഷ്യം വഹിച്ചു. കെ.മുരളീധരൻ, കെ.എൻ.എ.ഖാദർ, പി.സി.വിഷ്‍ണുനാഥ്, വി.ഡി.സതീശൻ, എം.കെ.മുനീർ, ഇ.ടി.മുഹമ്മദ് ബഷീർ, എം.പി.അബ്‍ദുസ്സമദ് സമദാനി, കെ.പി.കുഞ്ഞിക്കണ്ണൻ, ഷറഫുന്നീസ, എ.എസ്.സുനിൽകുമാർ, ഷാനിമോൾ ഉസ്‍മാൻ, ബഷീർ രണ്ടത്താണി എന്നിവർ പ്രസംഗിച്ചു.
Content highlights: Padayorukkam yatra opposition leader Ramesh Chennithala at Kottakkal abid Hussain Thangal
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
