HomeNewsPoliticsകുറ്റിപ്പുറം പഞ്ചായത്ത് പ്രസിഡന്റ് രാജിവച്ചു

കുറ്റിപ്പുറം പഞ്ചായത്ത് പ്രസിഡന്റ് രാജിവച്ചു

vaseema-veleri

കുറ്റിപ്പുറം പഞ്ചായത്ത് പ്രസിഡന്റ് രാജിവച്ചു

കുറ്റിപ്പുറം: ലീഗ് ജില്ലാ കമ്മിറ്റിയുടെ ഇടപെടലിനെ തുടര്‍ന്ന് കുറ്റിപ്പുറം പഞ്ചായത്ത് പ്രസിഡന്റ് വസീമ വേളേരി രാജിവച്ചു. തിങ്കളാഴ്ചയാണ് പഞ്ചായത്ത് സെക്രട്ടറിക്ക് രാജിക്കത്ത് കൈമാറിയത്. പഞ്ചായത്ത് ലീഗ് കമ്മിറ്റിയുടെ കര്‍ശന നിലപാടിന് ജില്ലാ ലീഗ് കമ്മിറ്റി വഴങ്ങിയതോടെയാണ് പ്രസിഡന്റിന്റെ രാജി അനിവാര്യമായത്. രണ്ട് വര്‍ഷംകഴിഞ്ഞാല്‍ പ്രസിഡന്റ് പദം ഔദ്യോഗിക പക്ഷത്തിന്റെ പ്രതിനിധിയായ ആറാം വാര്‍ഡ് അംഗം ടി സി ഷമിലക്ക് കൈമാറണമെന്ന കരാര്‍ നിലവിലുണ്ടായിരുന്നു. ഒമ്പത് ലീഗ് പഞ്ചായത്ത് മെമ്പര്‍മാരില്‍ ആറ് പേരും 12 വാര്‍ഡ് ലീഗ് കമ്മിറ്റികളും മണ്ഡലം കമ്മിറ്റിയും കെഎംസിസി നേതാക്കളും വസിമ തുടരണം എന്ന സമ്മര്‍ദത്തിലായിരുന്നു.

ജില്ലാ കമ്മിറ്റിയുടെ സാന്നിധ്യത്തില്‍ രണ്ട് വര്‍ഷംമുമ്പ് ഒപ്പുവച്ച കരാര്‍ പാലിക്കാന്‍ ജില്ലാ പ്രസിഡന്റ് കര്‍ശന നിര്‍ദേശം നല്‍കിയതോടെ വിമത സ്വരം ഉയര്‍ത്തിയവര്‍ കീഴടങ്ങുകയായിരുന്നു. ജില്ലാ മുസ്ലിം ലീഗ് നേതാവ് സാദിക്കലി തങ്ങളുടെ അനുവാദത്തോടെ വസിമ പഞ്ചായത്ത് സെക്രട്ടറിക്ക് രാജി സമർപ്പിച്ചു. രാജിയോടെ  കുറ്റിപ്പുറം ലീഗില്‍ ഇരുചേരികളും തമ്മിലുള്ള പോര്  രൂക്ഷമാകും.
Content highlights: Vaseema veleri resigns kuttippuram panchayath president
No Comments

Leave A Comment