വളാഞ്ചേരി സി.ഐ കെ.ജെ ജിനീഷിന് സ്ഥലം മാറ്റം
വളാഞ്ചേരി: വളാഞ്ചേരി പോലീസ് സ്റ്റേഷൻ എസ്.എച്.ഒ കെ.ജെ ജിനീഷിനെ പരപ്പനങ്ങാടി പോലീസ് സ്റ്റേഷനിലേക്ക് സ്ഥലം മാറ്റം. നേരത്തെ ഇവിടെ സേവനം അനുഷ്ടിച്ചിരുന്ന സി.ഐ. ഹണി കെ.ദാസിനെ എറണാങ്കുളം ട്രാഫിക്കിലേക്ക് സ്ഥലം മാറ്റിയിരിക്കുന്നത്. പരപ്പനങ്ങാടിയിൽ എസ്.ഐ ആയി സേവനം അനുഷ്ടിച്ച പരിചയമുള്ള ജിനേഷിൻ്റെ ഇരുപതാമത്തെ നിയമനമാണ് അദ്ധേഹത്തിന് വീണ്ടും പരപ്പനങ്ങാടിയിൽ എത്തുന്നതോടെ ഉണ്ടാവുന്നത്.
വൈക്കത്തൂരിൽ ഓടുപൊളിച്ചു വീടിനുള്ളിൽ കയറി മോഷണം നടത്തിയ പ്രതിയെ വലയിലാക്കാനും, വയോധികയെ പറ്റിച്ച് സ്വർണ്ണം കൈക്കലാക്കിയ പ്രതിയെ പിടിക്കാനും, ക്ഷേത്രഭണ്ഡാരം മോഷ്ടിച്ച് കടന്ന പ്രതിയെ പിടികൂടാനും, വർക്ക്ഷോപ്പ് കേന്ദ്രീകരിച്ച് മോഷണം പതിവാക്കിയവനേയും, അത്തിപ്പറ്റയിൽ മോട്ടോർ പമ്പ് മോഷ്ടാവിനെ അകത്താക്കാനും ഇക്കാലയളവിൽ അദ്ദേഹത്തിന് സാധിച്ചിട്ടുണ്ട്. ലക്ഷക്കണക്കിന് രൂപയുടെ കുഴൽപ്പണവും, ലഹരി ഉൽപ്പന്നങ്ങളും പിടികൂടിയതും, അനധികൃത ക്വാറിമാഫിയകളെ നിലക്ക് നിർത്തിയതും സി.ഐ കെ.ജെ ജിനേഷിൻ്റെ തൊപ്പിയിലെ പൊൻ തൂവലായി മാറി. തൃശൂർ ഇരിങ്ങാലകുട സ്വദേശിയായ അദ്ധേഹം 2019 ൽ മുഖ്യമന്ത്രിയുടെ മെഡലിന് അർഹനായിട്ടുണ്ട്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
