സന്തോഷ് ട്രോഫി താരം മുഹമ്മദ് സഫ്നാദിന് നഗരസഭയുടെ നേതൃത്വത്തിൽ സ്വീകരണം നൽകി

സന്തോഷ് ട്രോഫിയിൽ മിന്നും പ്രകടനം കാഴ്ചവെച്ച നാടിന്റെ അഭിമാനമായ സഫ്നാദിനു വളാഞ്ചേരി നഗരസഭയിൽ ഊഷ്മള സ്വീകരണം നൽകി .വളാഞ്ചേരി നഗരസഭാ ചെയർമാൻ അഷ്‌റഫ് അമ്പലത്തിങ്ങൽ, വൈസ് പ്രസിഡന്റ് റംല മുഹമ്മദ്, വിദ്യാഭ്യാസ കലാ കായിക സ്റ്റാന്റിംഗ് കമ്മറ്റി ചെയർമാൻ മുജീബ് വാലാസി എന്നിവർ പൊന്നാടയണിയിച്ചു സ്വീകരിച്ചു.

സ്വീകരണത്തിന് സ്റ്റാൻഡിംഗ്‌ കമ്മറ്റി ചെയർമാൻ സിഎം റിയാസ്, കൗൺസിലർമാരായ ഫൈസൽ തങ്ങൾ, ഈസ നമ്പറത്ത്, ഷിഹാബ്‌ പാറക്കൽ, സദാനന്ദൻ കൊട്ടീരി, ശൈലജ കെ.വി, മുൻസിപ്പൽ സെക്രട്ടറി ബിജു ഫ്രാൻസിസ്, റവന്യൂ ഇൻസ്‌പെക്ടർ എസ്.സുധീഷ്, എം. ഈ. എസ്.കെ.വി.എം കോളേജ് പ്രിൻസിപ്പാൾ രാജേഷ്, കോച്ച് ഷഹീൻ ഉസ്മാൻ, കെ.പി ഹസ്സൻ, ഷാഫി പി പി, അൻവർ.എം തുടങ്ങിയവർ നേതൃത്വം കൊടുത്തു.