‘വാക്ക്’ ചികിത്സാ സഹായ വിതരണം നടത്തി

കുവൈത്തിലെ വളാഞ്ചേരിക്കാരുടെ സാംസ്കാരിക കൂട്ടായ്മയായ വാക്ക്. കിഡ്നി കരൾ മുതലായ രോഗം മൂലം കഷ്ടത അനുഭവിക്കുന്ന അഞ്ചു രോഗികൾക്കുള്ള സഹായധന വിതരണം നടത്തി. പ്രസിഡണ്ട് ഹമീദ് വളാഞ്ചേരി യുടെ അധ്യക്ഷതയിൽ വളാഞ്ചേരി വോൾഗ ഓഡിറ്റോറിയത്തിൽ ചേർന്ന യോഗം വളാഞ്ചേരി മുനിസിപ്പൽ ചെയർപേഴ്സൺ സി കെ റുഫീന ഉദ്ഘാടനം ചെയ്തു.

തുടർന്ന് വളാഞ്ചേരിയിലെ രാഷ്ട്രീയ-സാമൂഹിക ജീവകാരുണ്യ മേഖലയിലെ പ്രമുഖരായ വി.പി സാലിഹ്, കെ.വി ഫിറോസ് ബാബു, സലാം വളാഞ്ചേരി തുടങ്ങിയവർ ആശംസകൾ അർപ്പിക്കുകയും വിവിധ ചികിത്സാ കമ്മിറ്റി ഭാരവാഹികൾക്ക് സഹായധന വിതരണം നിർവ്വഹിക്കുകയും ചെയ്തു.

ജനറൽ സെക്രട്ടറി ഫാരിസ് കല്ലൻ സ്വാഗതവും ഷംസീർ കൊടുമുടി നന്ദിയും പറഞ്ഞു. പരിപാടിക്ക് സൗജന്യമായി പശ്ചാത്തല സൗകര്യമൊരുക്കിയ വോൾഗ മുരളി, മീഡിയാ സഹായങ്ങൾ നൽകിയ മെഹബൂബ് എന്നിവർക്ക്‌ വാക് ഭാരവാഹികൾ നന്ദി പറഞു. വാക്കിൻറെ കരുത്തരായ പ്രവർത്തകർ പരിപാടികൾ നിയന്ത്രിച്ചു.