ലക്ഷദ്വീപ് ഐക്യദാർഢ്യ സദസ്സ് സംഘടിപ്പിച്ചു എടയൂർ പഞ്ചായത്ത് യു.ഡി.എഫ് കമ്മിറ്റി

എടയൂർ:എടയൂർ പഞ്ചായത്ത് യു.ഡി.എഫ് കമ്മിറ്റിയുടെ ആഭിമുഖ്യത്തിൽ എടയൂരിൻ്റെ വിവിധ മേഖലകളിലായി ലക്ഷദ്വീപ് ജനതയോട് ഐക്യദാർഢ്യം പ്രഖ്യാപിച്ച് ഐക്യദാർഢ്യ സദസ്സുകൾ നടത്തി. ലക്ഷദ്വീപ് അഡ്മിനിസ്ട്രേറ്റർ പ്രെഫുൽ ഗോഡ പട്ടേലിനെ തിരിച്ച് വിളിക്കുക എന്ന പ്ലക്കാർഡുകൾ കയ്യിൽ പിടിച്ചായിരുന്ന ഐക്യദാർഢ്യ സദസ്സിലുള്ളവർ മുദ്രാവാക്യം മുഴക്കിയത്. എടയൂർ വായനശാലയിൽ നടന്ന പരിപാടിയിൽ പി.കമ്മുക്കുട്ടി മാസ്റ്റർ, പി.ടി.സുധാകരൻ, പി.ഷെരീഫ് മാസ്റ്റർ, നിഷാദ് മൊയ്തു, പി.പി.ജമാൽ, പി.പി.ബഷീർ എന്നിവർ പ്രസംഗിച്ചു. കബീർ.സി, കുഞ്ഞാപ്പു ചീനിച്ചോട്, കെ.മൊയ്തീൻ.എ.കെ സിദ്ദീഖ് എന്നിവർ നേതൃത്വം നൽകി.