ഉത്തർപ്രദേശിലേക്ക് ഇതരസംസ്ഥാന തൊഴിലാളികളെ കടത്താൻ ശ്രമിച്ച ലോറി കുറ്റിപ്പുറത്ത് പിടികൂടി
കുറ്റിപ്പുറം: ഇതരസംസ്ഥാന തൊഴിലാളികളെ കുത്തിനിറച്ച് ഉത്തർപ്രദേശിലേക്ക് കടത്തുകയായിരുന്ന ലോറി കുറ്റിപ്പുറം പോലീസ് കസ്റ്റഡിയിലെടുത്തു. ജില്ലയുടെ വിവിധഭാഗങ്ങളിൽ നിന്നുള്ള ഇതരസംസ്ഥാനക്കാരായ അറുപത്തി രണ്ടുപേരും കുറ്റിപ്പുറത്തു നിന്നുള്ള ഉള്ള അഞ്ചുപേരും അടക്കം 67 പേരാണ് ലോറിയിൽ ഉണ്ടായിരുന്നത്. യു.പിയിൽ നിന്ന് ചരക്കുമായെത്തിയ ലോറിയിൽ കുറ്റിപ്പുറം പാലത്തിനടിയിൽ ക്യാമ്പ് ചെയ്താണ് ആളെ നിറച്ചിരുന്നത്.
കുറ്റിപ്പുറം എസ്.എച്ച്.ഒ നാസറിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കുറ്റിപ്പുറം പോലീസ് കസ്റ്റഡിയിലെടുത്ത തൊഴിലാളികളെ താമസ സ്ഥലത്തേക്കു തന്നെ തിരിച്ചയച്ചു. കൂടുതലും തിരൂർ ഭാഗത്തുള്ള തൊഴിലാളികളായതിനാൽ ലോറി തിരൂർ പോലീസിന് കൈമാറി. പോലീസ് അന്വേഷണം ആരംഭിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
