അതിദാരിദ്ര നിർമ്മാർജ്ജന ഉപ പദ്ധതിയുടെ മൈക്രോ പ്ലാൻ തയ്യാറാക്കുന്നതിന് വളാഞ്ചേരി നഗരസഭയിൽ പരിശീലനം നൽകി

വളാഞ്ചേരി :വളാഞ്ചേരി നഗരസഭ പരിധിയിലെ അതിദാരിദ്ര നിർമ്മാർജ്ജന ഉപ പദ്ധതിയുടെ മൈക്രോ പ്ലാൻ തയ്യാറാക്കുന്നതിന് കിലയുടെ നേതൃത്വത്തിൽ കൗൺസിലർമാർ ഉദ്യോഗസ്ഥർ വാർഡ് എന്യുമനേറ്റർ എന്നിവരുടെ പരിശീലനം നഗരസഭ കൗൺസിൽ ഹാളിൽ വച്ച് നടന്നു.പരിശീലന പരിപാടി നഗരസഭ ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു. വൈസ് ചെയർ പേഴ്സൺ റംല മുഹമ്മദ് അദ്ധ്യക്ഷത വഹിച്ചു.വികസനകാര്യ സ്റ്റാൻഡിങ് കമ്മിറ്റി ചെയർമാൻ സി എം റിയാസ്, വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി,ആരോഗ്യ കാര്യ സ്റ്റാൻഡിങ് കമ്മിറ്റി ചെയർമാൻ ഇബ്രാഹിം മാരാത്ത്, ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ ദീപതി ശൈലേഷ്, മരാമത്ത് കാര്യ സ്റ്റാന്റിംഗ് കമ്മിറ്റി ചെയർപേഴ്സൺ റൂബി ലാലിദ് തുടങ്ങിയവർ സംസാരിച്ചു.ജനകീയ ആസൂത്രണം ജില്ലാ ഫെസിലേറ്റർ ശ്രീധരൻ കില റിസോഴ്സ് പേഴ്സൺ ശ്രീജിത്ത്, അവിൽ അഷ്റഫ്, റാബിയ, നഗരസഭ ഹെൽത്ത് ഇൻസ്പെക്ടർ മുഹമ്മദ് അഷ്റഫ് ടി.പി എന്നിവരുടെ നേതൃത്വത്തിൽ പരിശീലനം നൽകി.