മൂന്നക്ക ലോട്ടറി: കുറ്റിപ്പുറത്ത് ഒരാൾ അറസ്റ്റിൽ
കുറ്റിപ്പുറം : അനധികൃത മൂന്നക്ക ലോട്ടറി ടിക്കറ്റ് നടത്തിപ്പുമായി ബന്ധപ്പെട്ട് കുറ്റിപ്പുറത്ത് ഒരാൾ അറസ്റ്റിൽ. മൂവ്വാങ്കര പാലക്കവളപ്പിൽ രവീന്ദ്രനെ(62) യാണ് കുറ്റിപ്പുറം സി.ഐ. പി.കെ. പത്മരാജന്റെ നേതൃത്വത്തിലുള്ള സംഘം അറസ്റ്റ്‌ ചെയ്തത്. രഹസ്യവിവരം ലഭിച്ചതിനെ തുടർന്ന് മൂവ്വാങ്കരയിൽ എത്തിയ സി.ഐ.യും സംഘവും ബസ്‌ സ്റ്റോപ്പിൽനിന്നാണ് രവീന്ദ്രനെ പിടികൂടുന്നത്. മൊബൈൽ ഫോൺ വഴിയാണ് ഇയാൾ മൂന്നക്ക ലോട്ടറി ഇടപാട് നടത്തുന്നത്. ലോട്ടറി ഇടപാട് സംബന്ധിച്ച രേഖകൾ ഇയാളുടെ മൊബൈൽ ഫോണിൽനിന്ന്‌ ലഭിച്ചിട്ടുണ്ട്. 10500 രൂപയും ഇയാളിൽനിന്ന്‌ പിടിച്ചെടുത്തു. രവീന്ദ്രൻ നേരത്തെയും ഇതേ കേസിൽ അറസ്റ്റിലായിട്ടുണ്ട്. തിരൂർ കോടതി റിമാൻഡ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
